Sýper MESSI, sen ULY FÝTBOLShYSYŃ!!!!!!!!!!!!!!!!!!!!!!!!!!
Keshe ǵana ótken Chempıondar lıgasynyń kezekti oıynynda Barselonanyń ózi attas klýby ózindeı dańqty aǵylshynnyń "Lıverpýlin" qabyldap, 3:0 esebimen tas-talqan etti. Bul oıynda eki dopty Leonel MESSI soqty. Aıtpaǵymyz eki dop emes,ekinshi dop! Qaqpadan arqan boıy alys jatqan núkteden aldyna kóldeneń tizilgen temir tosqaýyldy orap ótip, qaqpanyń sol "toǵyzdyǵyna" ǵana ene alatyn dopty MESSI sol núktege qolmen qoıǵandaı - sadaqtyń oǵyndaı qadady!!! Bul tek uly fýtbolshy oryndaı alatyn óner edi. Sýper MESSI Sýper GOL soqty taǵy da!
Taǵy da deıtinimiz - bul MESSIDIŃ "Barselona" jeıdesin kıgennen bergi 600-shi GOLY edi! ǴalamatI Ǵajap! Sumdyq! Keremet! Árıne, dańqty Pele "Santosta" júrip 1000 gol soqty-aý deımin. Biraq Peleniń zamany men búgingi fýtboldyń arasy adam balasy aıǵa ushqandaı alshaq....
Bul oıynnyń barysyn áńgimelep berýden aýlaqpyn. Ony fýtbolSúıer jandar túgel kórdi. Aıtpaǵym basqa. Ómirdiń bar salasynda talantty jandardy taýyp, tárbıeleý Qoǵamnyń uly muraty. Ónerde de, ǵylymda da, sportta da... Osyny aıtamyn da óz elime, óz ultyma qaraımyn. Qarqyn nashar . Qarym orta. Umtylys baıaý. Bizde odan góri eldi kim basqarady, ury-qarynyń sany qansha, kim ultymyzdy, ulttyq qadir-qasıetimizdi kóbirek taptaıdy degen taqyrypqa bas qatyrý basym.
Sportty alaıyq. Sýǵa júzýdegi ámrıka balasy Maıkl Felps, bokstegi meksıka shunaǵy Saýl Alvares, fýtboldaǵy argentına arǵymaǵy Leonel MESSIlerdi taýyp, tárbıeleýdiń ornyna Erıch-Merıchterdi qazaq qyp áýremiz. Keshe ǵana Eýropada aıdy aspanǵa shyǵardy degen "Qaırat" fýtzal komandasyn túgelimen búgin aparyp Brazılııa quramasy qylsaq qatelespeımiz! Jeńil atletıkaǵa júzderinen kún uıalatyn tórt-bes kenııalyqty jersindirip jatyr deıdi... Maqtaǵan "Astana" fýtbol klýbynyń quramy da bet bastyrardaı. Ózge sport túrinen ulttyq qurama sapy da jerge qaratqandaı. Bapkerlerge óz ulandarymyzdy taýyp tárbıeleýden góri Siz ben Bizdiń salyqqa jınaǵan aqshamyzǵa syrttan sportshylardy kótere satyp alý ońaı bop tur. Daýyl aqyn Isa Baızaqov pa edi ; "El bolsa er týǵyzbaı tura almaıdy!" dep kókiregin jara urandaǵan, sol sertti sózdi de teriske shyǵara bastaǵanymyzǵa az ýaqyt ótken joq!
Bárine qozǵaý salǵan SýperMESSI ǵoı! Ol da jón. Osylaı talantty jandar jarq etip,shańymyzdy qaǵyp turmasa, tóbeden saýlaǵan topyraqtan eki kózimiz ǵana syǵyraıyp kóringeni kóringen... Men MESSIDI buryn da uly fýtbolshy atandyrǵanmyn. Bireýler ony Krıshtıan Ronaldýmen qatar qoıǵysy keledi. Ras,ekeýi de ǵajap oıynshy. Biraq Ronaldý bárine talant, eńbekqorlyq, maqsatkerlikpen jetse, MESSI -- sıqyrly, sıqyrshy, tabıǵatynan osylaı ǵajap bop týǵan tulǵa! Ol sondyqtan da SýperMESSI!!!!!!!!
"Sen SýperMESSISIŃ, Leonel! Sen uly Fýtbolshysyń!" Bul saǵan birjaqtaǵy qazaq balasynyń bergen baǵasy.... Al, tobyqtaı sózdiń túıini -- bizdiń ultqa da osy MESSI sekildi tabıǵatynan ǵajap ul men qyz kerek! Ómirdiń kez-kelgen salasynda. Olaı bolsa jan-jaǵymyzǵa kózdi keń ashyp qarap júreıik, QANDASTAR! Qazaqqa da álem aldynda alar abyroı ataýly kóp bolmaıdy!
