Qostanaıdyń «Tobyl» fýtbol klýbynyń oıynshysy oblystyq aýrýhananyń jansaqtaý bólimine túsken. Bul týraly Qostanaı oblystyq densaýlyq saqtaý departamentiniń baspasóz qyzmeti habarlady.
«Oblystyq aýrýhananyń jansaqtaý bólimine «Tobyl» klýbynyń bir fýtbolshysy tústi. Ol tamaqtan ýlanǵan. Jaǵdaıy óte aýyr. Qazir arnaıy em-dom sharalaryn qabyldap jatyr», - departamenttiń baspasóz qyzmeti. Biraq oıynshynyń aty-jóni aıtylmaǵan. Beıresmı aqparat kózderimen qatar KazFootball.kz taratqan aqparatqa súıensek, ýlanǵan fýtbolshy Senın Sebaı. Senın qysqy transfer barysynda Reseıdiń «Tambov» klýbynan aýysyp kelgen. Sol kezde bul shabýylshyny Qostanaı komandasy 50 myń dollarǵa satyp alǵanyn qostanaılyq klýb resmı málimdegen.
