Qytaıdyń Nınbo qalasynda ótip jatqan aýyr atletıkadan Azııa chempıonatynda qazaqstandyq Ilıa Ilın 5-oryn aldy. Ilın jarysqa 25 sáýirde shyqty. Ol 96 keli salmaqta synǵa túsip, qossaıys nátıjesi boıynsha 345 keli kóterdi. Bul salmaqta altyndy Qytaı sportshysy Tao Tıan (401 kg), kúmisti Iran atleti Seıedaıob Mýsavıjarahı (373 kg), qolany ońtústik koreıalyq Chjýn Hýn Han (366 kg) ıelendi.
Qytaıdaǵy Azııa birinshiliginde qazaqstandyq Arlı Chonteı (55 kg) men Denıs Ýlanov (51 kg) qola alǵan. Al Rıo olımpıadasynyń chempıony Nıjat Rahımov jarystan qatysýǵa bas tartqan. Áıelder arasynda Zúlfııa Chınshanlo 4-oryn ıelengen.
Nınbodaǵy jarys - Ilınniń dopıng dopıng daýyna keıingi alǵashqy jarysy. Ol Pekın jáne London olımpıadalarynda dopıng qoldandy dep aıyptalyp, eki jylǵa sporttan shettetilgen. Sportshylardyń jaza ýaqyty 2018 jyly jazda aıaqtalǵan. Ilın byltyr qarashada Ashǵabatta ótken álem chempıonatyna, jeltoqsanda Dohada ótken halyqaralyq týrnırge qatysýy tıis bolǵan. Biraq sportshy jaraqatyna baılanysty eki jarysqa da qatyspady.
