Abel Sanches Golovkın bapkerlik qyzmetime meni qorlaıtyn ótemaqy usyndy dep málimdedi
Gennadıı Golovkın bapker Abel Sanchespen budan bylaı jumys istemeıtinin málimdegen bolatyn. Qazaqstandyq boksshyny toǵyz jyl jattyqtyrǵan amerıkalyq bapker bul aqparatty rastady.
Sanchestiń aıtýynsha, Golovkın onyń qyzmet aqysynyń kólemin qaıta qaraýǵa sheshim qabyldaǵan. Al bapker jańa usynys meniń namysyma tıdi ári tıimsiz dep otyr.
"Búginnen bastap Gennadıı Golovkınmen jumys istemeımin", – dedi Sanches baspasózge. – Toǵyz jylda rekordtar ornatýyna jáne DAZN kompanııasymen alty jekpe-jekke 100 mıllıondyq kelisimshart jasaýyna jaǵdaı jasadym, Boks dańqy zalynyń bolashaq múshesiniń karerasyn damytýǵa kómektestim, osydan keıin ol bapkerlik qyzmetim úshin meni qorlaıtyn jańa ótemaqy shemasyn qabyldaýdy usyndy jáne talap etti. Mundaı usynysty qabyldaýǵa meniń ar-namysym jibermedi. Ókinishke qaraı, sarańdyq, jaqsylyqty bilmeý jáne etıkanyń, qurmettiń nemese adaldyqtyń bolmaýy qarym-qatynasymyzdy toqtatýǵa ákeldi".
Sanches bapkerlik eńbegine qansha aqy alyp kelgenin aıtqan joq, alaıda Los Angeles Daily News-ke telefon arqyly Golovkınniń gonorarynyń 10 poentin alǵanyn habarlaǵan, boksshy budan edáýir az soma usynǵan. Golovkınniń ókili Tom Leffler bul jaǵdaıǵa túsinikteme berýden bas tartty, dep habarlady Sports.kz.
