Ermek Bekmūhamedūly Serkebaev — äigılı operalyq änşı(bariton), pedagog, KSRO halyq ärtısı , QazKSR halyq ärtısı, professor, qoǧam qairatkerı, Sosialistık Eŋbek Erı. 1947 jyly Abai atyndaǧy Opera jäne balet teatrynyŋ şyǧarmaşylyq ūjymyna jūmysqa ornalasady. «Evgenii Onegin» operasynda – Evgenii, «Traviatadaǧy» – Jermon rölderın joǧary därejede şyrqaidy. 1973 jyly konservatoriiada jeke dauysta än aitu kafedrasynyŋ oqytuşysy, 1982 jyldan berı konservatoriia professory boldy. Änşı repertuarynda qazaqtyŋ halyq änderı, orys jäne şet el kompozitorlarynyŋ şyǧarmalary bar. Rumyniia, Päkıstan, Fransiia, Ündıstan, Qytai, Belgiia, Kuba, Şveisariia, Şvesiia, Finliandiia t.b. şet elderınde öner körsetken.
Baiqaudyŋ eŋ basty maqsaty - örnektı qazaqstandyq säuletşı, KSRO Halyq ärtısı Ermek Serkebaevtyŋ müsınınıŋ monumentaldy-körkemdık tūrǧysynan eŋ jaqsysyn anyqtau maqsatynda – Qazaqstan Respublikasynda öner qūrylystaryn ornatu jönındegı memlekettık komissiianyŋ qarauyna ūsynyp, şeşım şyǧaru.
Baiqau baǧdarlamasy boiynşa, körnektı säuletşıge arnalǧan müsınnıŋ körkemdık beinesı onyŋ şeberlıgınıŋ ūlylyǧyn, ǧajaiyp küş-quatyn, daryndy tūlǧanyŋ jan-jaqtylyǧy men parasattylyǧyn, onyŋ erekşe adami qasietterın körsetu mındettelgen. Obektını jobalau kezınde müsınnıŋ körkemdık beinesıne qaişy kelmeitın myqty, estetikalyq materialdar qoldanyluy kerek. Müsın Almaty qalasy, Almaly audany, Abylai han daŋǧyly, 83 meken-jaiynda ornatylady. Müsınnıŋ qoldanystaǧy säulet jäne qala qūrylysyna üilesımdı türde säikes keluı de maŋyzdy.
Baiqauǧa barlyq niet bıldıruşıler, sondai-aq avtorlyq ūjymdar qatysa alady. Baiqaudy ötkızu merzımı 2023 jylǧy 21 şıldeden bastap 2023 jylǧy 21 tamyz aralyǧynda. 2023 jyldyŋ 21 tamyzynan keşıktırmei jıberılgen jūmystar 050000, Almaty qalasy, Abylai han daŋǧyly, 74 A, Almaty qalasy Mädeniet basqarmasy, №305 kabinet mekenjaiy boiynşa qabyldanady.
Basqa qalalardyŋ avtorlary poşta tübırtegınıŋ nömırın aldyn ala habarlai otyryp, jobalardy belgılengen merzımnen keşıktırmei Almaty qalasy Mädeniet basqarmasynyŋ mekenjaiyna jıberedı. Baiqauǧa jobalar alty taŋbaly sanmen körsetılgen ūrandarmen ūsynylady. Ūran konkursqa ūsynylǧan jobanyŋ barlyq materialdarynyŋ joǧarǧy oŋ jaq būryşynda, sondai-aq ūrandyq konvertte (biıktıgı 1 sm) jazylady. Ūranmen jabylǧan konvertte joba avtorynyŋ tegı, aty jäne meken-jaiy körsetılgen aqparattyq paraq boluy kerek.
2 betten aspaityn qysqaşa tüsındırme jazba 2 danada ūsynylady. «Tımeѕ New Roman» arpı, ölşemı №14, bır jolaralyq intervalmen. Jazbada müsınnıŋ negızgı ideiasy, körkemdık şeşımı jäne keŋıstıktı ūiymdastyru prinsipterı körsetıluı kerek.
Baiqau qorytyndysy boiynşa şeşımdı Almaty qalasynyŋ tarih jäne mädeniet eskertkışterın qorǧau jönındegı komissiiasy qabyldaidy.
Baiqau şarttaryn būza otyryp ūsynylǧan jobalar konkursqa jıberılmeidı jäne Komissiiada qaralmaidy.
Baiqaudyŋ jobalyq ūsynystary men ūsynylatyn materialdardy räsımdeuge qoiylatyn talaptardyŋ qūramy:
- Masştaby 1:10 joba eskizı (müsın kompozisiiasy);
- Masştaby 1:200 bas jobasy (syzba jobasy);
- Müsınnıŋ (müsındık kompozisiianyŋ) 2 qasbetı jäne 1:20 masştabty 1 perspektiva;
- Tüsındırme jazba.
