Qurmanbek Jumaǵalı "Ulttyq kınony qoldaý memlekettik ortalyǵy" KEAQ Basqarma Tóraǵasy qyzmetine taǵaıyndaldy. Bul týraly QR Mádenıet mınıstrligi málimdedi, dep habarlaıdy “Adyrna” ulttyq portaly.
Esetjan Qosýbaev atqarǵan qyzmetinen bosatyldy.
Aıta keteıik, Qurmanbek Jumaǵalıdiń mass-medıa jáne telemenedjment salasynda 10 jylǵa jýyq tájirıbesi bar. Eńbek jolyn "Qazaqstan" telearnasynda redaktor bolyp bastaǵan, "Habar" agenttiginiń jetekshi redaktory, tilshisi. 2013-2018 jyldary Qurmanbek Jumaǵalı Qaraǵandy oblysy ákimdiginiń baspasóz qyzmetiniń basshysy jáne Mańǵystaý oblysy ishki saıasat basqarmasynyń basshysy bolǵan. 2018-2019 jyldary "Qazaq radıolary" JShS basqardy,""Qazaqstan" RTRK" AQ Basqarma tóraǵasynyń birinshi orynbasary boldy. Osy ýaqytqa deıin "31" medıaholdınginiń bas dırektory bolyp eńbek etken.
Ulttyq kınony qoldaý jónindegi memlekettik ortalyq 2019 jyly kınematografııany damytýǵa memlekettik qarajatty bólý jáne basqa elderdiń úlgisi boıynsha jeke kınokompanııalardy qoldaý úshin qurylǵan.
Sondaı-aq, ol kınoortalyqta 2019-2022 jyldar aralyǵynda "Dos-Muqasan" lentasyn qosa alǵanda, 14 fılm prokatqa shyǵarylyp, olar jalpy prokattan 503,2 mln teńge jınady. "Paralımpıadashy", "Shema", "Aǵaıyndylar" jáne "Mergen" sııaqty kartınalar halyqaralyq kınofestıvalderdiń júldelerine ıe boldy.
Ótken jyly Ulttyq fılmder shyǵarýǵa bólinetin qarajatty bólýdiń jańa tásili belgilendi: 70% tarıhı, patrıottyq jáne ımıdjdik; 30% — jeke kınojobalardy, onyń ishinde debıýttik jobalardy birlesip qarjylandyrý. Sonymen qatar, memlekettik qarjylyq qoldaý alý úshin kınematografııalyq qyzmet sýbektileri men talaptarynyń aýqymy keńeıtildi.
Odan bólek, shet tilindegi fılmderdi qazaq tiline dýblıajdaý MKQO arqyly júzege asyrylady. 2022 jyly "Avatar" fılminiń birinshi bólimi (2009 jylǵy re-relız), "Qara Qabylan. Vakanda jasasyn. Sý joly" jáne "Avatar" fılmderi qazaq tiline aýdarylǵan kınotaspalar arasynda kassalyq jıyn boıynsha rekord ornatty.
