71 jastaǵy kúıshi, jazýshy, jýrnalıst Jarqyn Shákárim dúnıeden ozdy. Qaıratkerdiń qazasyn seısenbi kúni Qazaqstan mádenıet jáne sport mınıstri Arystanbek Muhamedıuly óziniń Facebook paraqshasynda estirtti.
Jarqyn Shákárim - zertteýshi, mýzykatanýshy, birneshe kitaptyń avtory. Ánshi, akter Ámire Qashaýbaevtyń ómiri men shyǵarmashylyǵy týraly eńbek jazǵan. 1976-1980 jyldary Shákárim "Jalyn" jýrnalynyń redaktory boldy. 1980 jyly "Sazgen" ansamblin uıymdastyrǵan. Qazaq ulttyq aspaptar mýzykasy mýzeıiniń qurylýyna atsalysqan. 1980-1982 jyldary sol mýzeıdiń dırektory boldy.
1974 jyly Shákárim akademık Ahmet Jubanovtyń oryndaýyndaǵy birneshe kúı jazylǵan úntaspany Lenıngradtan taýyp, 2007 jyly Almatyǵa ákeldi.
1982-2010 jyldary "Qazaqstan" respýblıkalyq teleradıokorporaııasynyń mýzykalyq redaktory boldy. Osy ýaqyt aralyǵynda "Terme", "Mýzykalyq kınojylnama" sııaqty birneshe avtorlyq baǵdarlamany júrgizdi.
1998 jyly Jarqyn Shákárim Qazaqstannyń eńbek sińirgen qaıratkeri ataǵyn aldy. Shyǵys Qazaqstan oblysy Úrjar aýdanynyń qurmetti azamaty.
