NUR-SULTAN, 11 sáýir – Sputnik. Senat depýtattary májilis maquldaǵan "Qazaqstan úkimeti men Qytaı úkimeti arasyndaǵy Qytaıdyń jeńildikti kredıt berýi týraly negizdemelik kelisimdi ratıfıkaııalaý týraly" zańdy qabyldady, dep habarlaıdy Sputnik Qazaqstan tilshisi.

Premer-mınıstrdiń birinshi orynbasary – qarjy mınıstri Álıhan Smaıylovtyń aıtýynsha, Qytaıdan qaryzǵa alynatyn aqshaǵa 9 avtokólik jáne 1 temirjol ótkizý pýnkti jańǵyrtylady. Qazir EAEO syrtqy shekarasynyń Qazaqstan ýchaskesindegi ótkizý pýnkteri kólikterdi jyldam ári toqtaýsyz ótkizýge qaýqarly emes. Máselen, jýyrda qazaq-ózbek shekarasynda týyndaǵan jaǵdaı osyǵan dálel bola alady.

"Qazaqstan tarapyndaǵy ótkizý pýnkterinde kún saıyn 100-den 300-ge deıin avtokólik keptelip qalady. Júrgizýshiler kezekte 3 táýlikke deıin turýǵa májbúr", - dedi mınıstr senattyń jalpy otyrysynda.

Ótkizý pýnkteriniń múmkindigin ulǵaıtý úshin qarjy mınıstrligi "Etalondyq ótkizý pýnkti" tujyrymdamasyn ázirlegen.

Aıta ketsek, negizdemelik kelisimge 2018 jyldyń maýsym aıynda Beıjińde qol qoıylǵan.

Qaryzdyń jalpy somasy 2 062 mıllıard ıýan, ıaǵnı teńgege shaqqanda 100 mıllıard teńgeden astam. Kelisimge sáıkes, Qytaı banki jeńildetilgen kredıtti jyldyq stavkasy 2 proentpen 20 jylǵa beredi.

Joba osy jyldyń sońynda bastalyp, 2022 jyly aıaqtalmaq.