Sapardy uıymdastyrýǵa Alataý aýdany ákimdigi muryndyq bolǵan.
«Ulttyq qundylyq – el qazynasy». Halyq danalyǵyn arqaý etken almatylyq qarııalar shet memlekette qazaqı bolmysty dáriptedi. AQSh-qa arnaıy attanǵan Alataý aýdanynyń ardagerleri 7 shtatta konert berdi, dep habarlaıdy Almaty telearnasy.
Ulttyq kıim kıip, qoldaryna dombyra ustap, halyq ánderin shyrqaǵan aq jaýlyqty ájeler men aqsaqaldar ózge el azamattaryn osylaı salt-dástúrimiz ben mádenıetimizge tánti etti. Aǵa býyn ókilderi Amerıkanyń túrli qoǵamdyq oryndaryn, saıabaqtary men metrosyn aralap, bı bılep, sheteldikterdi ulttyq oıý órnekpen tanystyrdy. Bul sapardyń negizgi maqsaty – elimizdi álemge pash etip, qazaq halqynyń tekti, rýhty ekenin kórsetý.
Aıta keteıik, AQSh-taǵy arnaıy konertke 23 belsendi qarııa qatysty. Ardagerler keńesiniń músheleri saıahat aldyn ala josparlanǵanyn jáne oǵan aýdandyq baıqaýda úzdik óner kórsetken ata-ájeler barǵanyn aıtty. Sapardy uıymdastyrýǵa Alataý aýdany ákimdigi muryndyq bolǵan. Qarııalar ıgi bastamany dástúrge aınaldyrýdy, keler jyly basqa memlekette óner kórsetýdi kózdep otyr.
Taımskverge bardyq, sol jerde konert qoıdyq. «Bostandyq» músininiń aldyna 3-4 túrli ulttyq kıimdi aýystyryp turdyq. «Úlken kisilerdi alyp bara jatyrsyńdar, qalaı bolady, shydamaıdy ǵoı» dedi. Biraq Alla kómektesti, shydady. Taǵy da, minekı, baramyz dep tur, – dedi Alataý aýdandyq ardagerler keńesiniń tóraǵasy Saǵatolla Taýbaldy.
