QR Prezıdentiniń mindetin ýaqytsha atqarýshy Qasym-Jomart Toqaev búgin 13:00-de telearnalardan Qazaqstan halqyna úndeý jarııalady. Onda Toqaev Prezıdent saılaýy 2019 jyldyń 9 maýsym kúni ótetinin jarııalady.
Barlyq jaýapkershilikti moınyna ala otyryp Prezıdent aldaǵy saılaýda "Bul saılaý taza, ádil, ashyq ári shynaıy ótetinine men kepil bolamyn" dedi.
Sondaı-aq Qasym-Jomart Kemeluly el tizginin qolǵa alǵaly el aralaǵanyn, halyqtyń kóńil-kúıin jaqsy biletinin de atap ótti. Osy jolǵy saılaýda "bir jaǵadan bas, bir jeńnen qol shyǵaryp", jurt bolyp jumyla kótereıik dedi.
