Atyraý oblysynyń turǵyny ákesin uryp óltirdi degen kúdikpen ustaldy, dep habarlaıdy «Adyrna» tilshisi «Astana TV» arnasyna silteme jasap.
Oqıǵa Inder aýdanyndaǵy Esbol aýylynda bolǵan. Otbasylyq janjal neden týyndaǵany ázirge belgisiz. Qazir tergeý júrip jatyr. Belgilisi 38 jastaǵy kúdikti ata-anasynan bólek, qalada turǵan. Al marqum zeınet jasyna qarmastan vahtalyq ádispen jumys istep júrgen. Qazir kúdikti tergeý ızolıatorynda.
«Inder aýdanyndaǵy adam ólimine qatysty qazirgi tańda QK 106-baby 3-bólimimen adamǵa qasaqana dene jaraqatyn salý nátıjesinde adam ólimine ákelgen qylmys boıynsha sotqa deıingi tergeý amaldary júrgizilýde. Sot medıınalyq saraptamasy taǵaıyndaldy. Qazirgi tańda kúdikti men jábirlenýshiniń bir -birine týysqandyq qarym-qatynasy, ákesi men balasy bolyp keletindigi anyqtalyp otyr»,—dedi oblystyq PD baspasóz hatshysy Meıirim Erdáýlet.
