Elimizde joǵary bilim berýdiń barlyq deńgeıleri boıynsha 2023 - 2024 oqý jylyna arnalǵan bilim berý granttaryn bólý tizimi jarııalandy, dep habarlaıdy "Adyrna" ulttyq portaly.
Ǵylym jáne joǵary bilim mınıstrligi deregine súıensek, bıyl joǵary oqý oryndarynda oqý úshin 88 myń grant bólingen. Granttardyń basym bóligi "Injenerlik, óńdeý, qurylys salalary" bilim berý baǵdarlama toptaryna bólindi, olardyń sany 18 744 grantty quraıdy.
Al "Pedagogıkalyq ǵylymdarǵa" – 12 560 grant, "Aqparattyq-kommýnıkaııalyq tehnologııalar" salasyna – 10 103 grant, "Jaratylystaný ǵylymdary, matematıka jáne statıstıka" baǵytyna – 7 388 grant tıesili.
Sondaı-aq, "Serpin" baǵdarlamasy arqyly túsýshilerge 3 653 grant bólingen. "Serpin" jobasy arqyly 4 daıarlaý baǵyty boıynsha bilim alýǵa bolady. Atap aıtsaq, pedagogıkalyq ǵylymdar, ınjenerlik-tehnıkalyq, aqparattyq tehnologııalar, aýylsharýashylyǵy mamandyqtary boıynsha oqýǵa túse alady. Baǵdarlamaǵa ońtústik óńirdegi aýyl jastary qatysady.
Aıta ketsek, oqý bitirgesin grant óteý merzimi 3 jyldan 2 jylǵa qysqartyldy. Sondaı-aq, buryn mamandar ózi oqyǵan aımaqta ǵana grantty jumyspen óteıtin bolsa, endi 11 aımaqta qyzmet ete alady.
Jalpy, bakalavrıatqa túsý úshin 2023-2024 oqý jylynda 73 myńǵa jýyq grant bólindi.
"Memleket basshysynyń tapsyrmasy boıynsha barlyq granttyń 60% tehnıkalyq mamandyqtarǵa bólindi. Sonymen qatar bıyl halyq tyǵyz qonystanǵan batys jáne jańadan qurylǵan óńirlerdiń jastary úshin granttar bólindi. Talapkerler berilgen aqparat negizinde durys tańdaý jasaıdy dep senemin", - dep atap ótti QR Ǵylym jáne joǵary bilim vıe-mınıstri Qýanysh Erǵalıev.
Magıstratýraǵa túsýge 13 myńnan astam, doktorantýraǵa túsýge 1800-den astam grant bólingen.
