Qazaq estradasyndaǵy tanymal juptardyń biri Qýanysh pen Qarlyǵash ózderiniń burynǵy 300 sharshy metrlik úılerin halal balabaqshaǵa aınaldyrdy. Bul týraly olar "Juldyzdy shańyraqta" baǵdarlamasynda aıtty, dep jazady "Adyrna".
"Burynǵy úıimizdi bızneske aınaldyrdyq. Bireýge berip ketpedim. Balabaqsha ashyp, oǵan ózimniń ápkemdi otyrǵyzyp qoıdym. Aptasyna bir ret ózim baryp qadaǵalaımyn. Barlyǵy da halal. Tamaqtary da... Ul balalar men qyz balalar bólek uıyqtaıdy. Barlyǵy da ondaı saqtalǵan. Balalarǵa adal jumys istesem, Alla maǵan ózi de beredi. Ózim de alty balanyń anasy bolǵan soń, balalarmen qarym-qatynas saqtalǵan, shúkir. Qazir órkendep, taǵy da bireýin salyp jatyrmyz", - deıdi ánshi Qarlyǵash Myrzageldıeva.
Baǵdarlama barysynda Qarlyǵash jubaıyna armandap júrgen qymbat kóligin syılaǵanyn da aıtqan bolatyn.
Al buǵan deıin olar kishi uldaryn qaterli dertten emdetý úshin biraz ýaqyt Túrkııada turyp kelgen edi.
