Ile-Balqash ańǵarynda qamys órtenip jatyr, dep habarlaıdy "Adyrna" ulttyq portaly Tótenshe jaǵdaılar mınıstrliginiń baspasóz qyzmetine silteme jasap.
«Ile-Balqash rezervatynyń (kirme joldar joq aralshyqtar jáne qoljetimdiligi tómen batpaqty jerde) aýmaǵynda 150 gektar alań janyp jatyr. Órttiń jalpy aýmaǵy shamamen 6 200 ga boldy, onyń ishinde sóndirilgeni – 6 050 gektar.
TJD jáne «Ile-Balqash» MTR» RMM kúshteri qolmen jumys jasaıtyn shan quraldary men motopompalardy paıdalana otyryp, jaıaý tártippen soltústik-batys jaǵynda 6-kvartalda aldyn ala boljam boıynsha 150 ga alańda sóndirý jumystaryn júrgizip jatyr. Sondaı-aq, Baqanas orman sharýashylyǵy ýchaskelerinde órttiń taralýyn boldyrmaý úshin Orman sharýashylyǵy kúshteri jerdi jyrtý jumystaryna kiristi.
Eldi-mekenderge qaýip joq.
Áleýmettik jelilerde taralǵan kosmonıtorıngtiń sýretteri búgingi kúni ózektiligin joǵaltqan.
Meteorologııalyq jaǵdaı: kún ashyq, jaýyn-shashynsyz, aýa temperatýrasy +24 S, soltústik baǵytta soqqan jeldiń jyldamdyǵy 2 m/s», - delingen habarlamada.
"Adyrna" ulttyq portaly
