"Qazaqstandyq atom elektr stanııalary" JShS dırektory Tımýr Jantıkın atom elektr stanııasyn salý tártibin túsindirdi, dep habarlaıdy Sputnik Qazaqstan.
Byltyr atom salasyn damytý jónindegi vedomstvoaralyq komıssııanyń otyrysynda AES-ty Almaty oblysynyń Úlken aýylynda salýǵa usynys jasaldy. Stanııanyń qýaty - 2800 MVt. Zań boıynsha atom elektr stanııasy ornalasyn jerdi úkimet sheshimimen bekitý kerek. Ondaı sheshim aldymen jergilikti ókildilik organymen kelisiledi.
"Osyǵan baılanysty 2022 jyly 15 qarashada biz Qonaev qalasyna baryp, Almaty oblysynyń máslıhat depýtattaryna barlyq aqparatty jetkizdik. Olar maquldady. Osydan keıin Úlken aýylynda qoǵamdyq tyńdaýlar ótkizýge sheshim qabyldandy", - dedi Jantıkın atom energetıkasyn damytý máselelerine arnalǵan jıynda.
Onyń aıtýynsha, qazirgi kezde jergilikti jáne sheteldik uıymdardyń tarapynan AES-tyń ornalastyn jerine qaraı sıpattama jasaý boıynsha baǵa usynystary tústi. Ol uıymdardyń ishinde KHNP (Koreıa), Assystem (Franııa), Qazaqstannyń jobalaý jáne energoónerkásip ınstıtýty, sondaı-aq ulttyq ıadrolyq ortalyq bar. Buǵan deıin qytaılyq CNNC, reseılik "Rosatom", franýzdyq EDF pen koreıalyq KHNP kommerııalyq usynystaryn jasaǵan. Qazaqstan úkimeti atom reaktorlaryn sýmen sýytý tehnologııalaryn qarastyryp jatyr. Sol sebepti osy tórt kompanııanyń usynystaryn qarastyrýǵa sheshim qabyldandy. Negizgi basymdyq – qaýipsizdik.
Bıyl naýryz aıynda Qazaqstanǵa MAGATE sarapshylary kelip ketti. Olar bizdiń atom elektr stanııasyn salýǵa qanshalyqty daıyn ekenimizdi 19 baǵyt boıynsha baǵalaıdy. MAGATE-nyń tártibine sáıkes, bul jumys úsh kezeńnen turady. Birinshi kezeńi ótti. Sonyń qorytyndysy boıynsha halyqaralyq sarapshylar Qazaqstannyń daıyndyǵyna joǵary baǵa berdi.
Tımýr Jantıkınniń sózine qaraǵanda, bıyl úkimettiń AES-tyń ornalasý jerine qatysty qaýlysy shyqsa, sondaı-aq tehnologııany jetkizetin kompanııa anyqtalǵan jaǵdaıda tehnıkalyq-ekonomıkalyq negizdeme 2025 jylda daıyn bolady. Sosyn ony memlekettik saraptamadan ótkizý kerek.
"Saraptamanyń oń qorytyndysy shyqsa, tehnıkalyq-ekonomıkalyq negizdeme úkimetke jiberiledi. Osy qujattyń negizinde AES-ty salý týraly qaýly qabyldanady. Budan keıin jobalyq-smetalyq qujattardy ázirleý jáne saraptamadan ótkizý jumystary bastalady", - dep atap kórsetti Jantıkın.
Qurylys jumystary 2034 jyly aıaqtalsa, bir jyldan keıin AES-ty paıdalanýǵa bere alady.
"Nege biz 2,8 GVt-qa deıingi stanııalardy tańdadyq? Bizdiń 2018 jylǵy esebimizge sáıkes, ońtústikte bazalyq qýat kózderiniń tapshylyǵy 2,7 GVt-qa deıin bolady. Sol kezde qural-jabdyqtardyń tozýy da eskerildi. Osylaısha, 2030 jyly energııa tapshylyǵy 1,8 GVt, 2035 jylǵa qaraı 3,2 GVt, al 2050 jyly 5 GVt bolady degen boljam bar. Demek, eki bloktan turatyn jáne árbireýiniń qýaty 1400 MVt bolatyn AES salý qajet", - dedi Jantıkın.
