Memleket basshysynyń tóraǵalyǵymen Qaýipsizdik Keńesiniń kezekti otyrysy ótti. Jıynda elimizdiń áskerı qaýipsizdigin qamtamasyz etýdiń ózekti máseleleri talqylandy, dep habarlaıdy "Adyrna" ulttyq portaly akorda.kz-ke silteme kórsete otyryp.
Qaýipsizdik Keńesiniń Tóraǵasy birqatar jaýapty memlekettik organ basshylarynyń baıandamasyn tyńdady.
Qaýipsizdik Keńesi Qazaqstan Respýblıkasynyń Qarýly Kúshteri men basqa da áskerlerin, áskerı quralymdaryn qarý-jaraqpen qaıta jaraqtaý jáne qorǵanys ónerkásibi kesheniniń 2030 jylǵa deıingi damý tujyrymdamasynyń jobasyn qarastyrdy.
Qorǵanys ónerkásibi, memlekettik qorǵanys salasyndaǵy tapsyrys, qarý-jaraq pen áskerı tehnıka aınalymy, qorǵanys nysandary ınfraqurylymyn damytý salalaryndaǵy jekelegen máseleler jóninde júıeli sharalar ázirlendi.
Jıyn qorytyndysy boıynsha Prezıdent memlekettiń áskerı qaýipsizdigin qamtamasyz etý júıesin odan ári damytý jóninde birqatar naqty tapsyrma berdi.
"Adyrna" ulttyq portaly
