ŞQO äkımı Danial Ahmetov qyzmetınen bosatyldy. Būl turaly Aqorda jazdy, dep habarlaidy «Adyrna» tılşısı.
«Memleket basşysynyŋ Jarlyǧymen Danial Kenjetaiūly Ahmetov Şyǧys Qazaqstan oblysynyŋ äkımı lauazymynan bosatyldy»,—delıngen habarlamada.Aita keteiık, 15 mausymda Ahmetov 69 jasqa toldy. Ol oblysty 9 jyl boiy basqarǧan bolatyn. 2017 jyly äkımnıŋ resmi türde zeinetke ketuı mümkın ekenı aityldy. Alaida onyŋ ökılettıgı 2022 jylǧa deiın sozylǧan edı. Ötken jyldyŋ 11 mausymynda Memleket basşysy Ahmetovtıŋ ökılettıgın taǧy bır jylǧa ūzartty. Şeşım äkımnıŋ «köp jyldyq jūmys täjıribesımen»tüsındırıldı. Danial Ahmetov būǧan deiın Pavlodar oblysynyŋ äkımı, QR Premer-Ministrı, QR Qorǧanys ministrı qyzmetterın atqardy. Euraziialyq ekonomikalyq komissiianyŋ energetika jäne infraqūrylym jönındegı Alqa müşesı boldy.
Ūqsas jaŋalyqtar
