ShQO ákimi Danıal Ahmetov qyzmetinen bosatyldy. Bul týraly Aqorda jazdy, dep habarlaıdy «Adyrna» tilshisi.
«Memleket basshysynyń Jarlyǵymen Danıal Kenjetaıuly Ahmetov Shyǵys Qazaqstan oblysynyń ákimi laýazymynan bosatyldy»,—delingen habarlamada.
Aıta keteıik, 15 maýsymda Ahmetov 69 jasqa toldy. Ol oblysty 9 jyl boıy basqarǵan bolatyn.
2017 jyly ákimniń resmı túrde zeınetke ketýi múmkin ekeni aıtyldy. Alaıda onyń ókilettigi 2022 jylǵa deıin sozylǵan edi. Ótken jyldyń 11 maýsymynda Memleket basshysy Ahmetovtiń ókilettigin taǵy bir jylǵa uzartty. Sheshim ákimniń «kóp jyldyq jumys tájirıbesimen»túsindirildi.
Danıal Ahmetov buǵan deıin Pavlodar oblysynyń ákimi, QR Premer-Mınıstri, QR Qorǵanys mınıstri qyzmetterin atqardy. Eýrazııalyq ekonomıkalyq komıssııanyń energetıka jáne ınfraqurylym jónindegi Alqa múshesi boldy.
