Múlkiniń tý-talaqaıy shyqqan. Depýtat Qazaq ulttyq agrarlyq zertteý ýnıversıtetiniń aktıvterin qaıtarýdy talap etti

2844
Adyrna.kz Telegram
Foto: kaznaru.edu.kz
Foto: kaznaru.edu.kz

Májilis depýtaty Erlan Saıyrov Qazaq ulttyq agrarlyq zertteý ýnıversıtetiniń aktıvterin qaıtarýdy talap etti. Aıtýynsha, múlik menshik ıelerine zańsyz ótip ketken. Bul týraly depýtat Bas prokýror Berik Asylovqa joldaǵan depýtattyq saýalynda aıtty, dep habarlaıdy “Adyrna” ulttyq portaly.

Depýtat saýalynda, Qazaq ulttyq agrarlyq zertteý ýnıversıtetiniń bir top oqytýshy ǵalymy májilis depýtattaryna ýnıversıtetten zańsyz shyqqan aktıvterdi oqý ornyna qaıtarý týraly ótinish jasaǵanyn aıtty. Sózderinshe, ýnıversıtettiń jeke menshigi zańdy tulǵalardyń ıeligine zańsyz ótip ketken.

2001-2022 jyldary myń oryndyq stýdenttik úsh jataqhana, bes oqý-zertteý korpýsy - 18,828 sharshy metr. Ákimshilik sharýashylyq ǵımarattar jáne ózge de jyljymaıtyn múlik obektileri - 700 sharshy metr, ýnıversıtet ǵımarattaryna irgeles jer ýchaskeleri - 5 gektar jer. Almaty oblysynyń Talǵar jáne Eńbekshiqazaq aýdanynda ornalasqan ýnıversıtettiń oqý tájirıbelik sharýashylyq jer ýchaskeleri - 12 gektar. Barlyǵy qoldy bolyp ketken. Qazaqtyń jalpaq tilimen aıtsaq, ýnıversıtet múlkiniń tý-talaqaıy shyqqan, - dedi Erlan Saırov.

Sondaı-aq, ol ýnıversıtettiń ǵımarattaryn ıelengen zańdy tulǵalar oqý korpýstarynyń aýmaǵynda birneshe zańsyz qurylys obektisin salǵanyn aıtty.

Osy ǵımarattardy ıelengen zańdy tulǵalar oqý korpýstarynyń aýmaǵynda turǵyn úı keshenderin salyp, stýdentterdiń, oqytýshylardyń mazasyn alyp, jataqhanalardy qonaqúı etip qaıta jabdyqtap, karaoke, basqa da túngi oıyn-saýyq oryndaryn jasap, jyn oınaqqa aınaldyrǵan. Keıbir oqý korpýstary bıznes ortalyqtary bolyp shyǵa kelgen. Atalǵan faktiler jetkinshek urpaqtyń moraldyq-rýhanı álemine oısyrata jasalǵan soqqy. Ádilettilik, uıat prınıpterin taptaý bolyp tabylady. Ýnıversıtet ujymy aktıvterdi satý nemese olardy senimgerlik basqarýǵa berý 2001-2022 jyly bolǵandyǵyn aıtyp otyr jáne osy kezde bolǵan laýazymdy adamdardy zań júzinde jaýapqa tartýdy suraıdy, - dedi ol.

Depýtat óziniń saýalynda zań buzýshylardy tártipke tartý úshin mynadaı qadamdar jasalýy kerektigin aıtty:

  • zańsyz qoldy bolǵan aktıvterdi qaıtarý komıssııasy aıasynda atalǵan ǵımarattardyń memlekettik menshigine qaıtarýyn jedel qamtamasyz etý;
  • 2001-2022 jyldary zańbuzýshylyqqa barǵan tulǵalardy zań aldynda jaýapkershiligin anyqtaý;
  • Qazaqstandaǵy basqa da joǵarǵy oqý oryndarynyń menshigin zańsyz berý máselesine jappaı aýdıt júrgizý. 
Реклама
  • ИП Попов А.П.
  • ИНН: 602715631406
Морщины "стираются" как ластиком! Намажьте кожу лица обычным...
Реклама
  • ИП Попов А.П.
  • ИНН: 602715631406
Природный чистильщик сосудов! Уже утром давление будет 120/80!
Реклама
  • ИП Попов А.П.
  • ИНН: 602715631406
Кардиолог шокировал мировую медицину: сосуды чистит простой...
Pikirler