Abaı oblysyndaǵy orman órti óshýdiń ornyna, órshýi múmkin, dep habarlaıdy “Adyrna” tilshisi Tótenshe jaǵdaı mınıstrligine siltep.
60 myń gektarǵa taralǵan órt aýa temperatýrasyna baılanysty kúsheıýi kútilýde. Bul týraly Respýblıkanyń sý jańa Tótenshe jaǵdaı mınıstri Syrym Sháriphanov málimdedi.
«Temperatýralyq fonnyń joǵarylaýyna jáne ekpindi jelge baılanysty órttiń taralýynyń kúsheıýi múmkin, biraq bizde ony oqshaýlaý úshin kúshter men quraldardy toptastyrý jetkilikti», - dedi mınıstr. Sondaı-aq, Syrym Sháriphanov shyǵys baǵyttaǵy ushý kezinde órt belsendiligi anyqtalǵanyn, alaıda, órtti joıý boıynsha naqty qoıylǵan mindetterdi atap ótti.
Órt bastalǵannan-aq kólemi 3000 tonnadan asatyn 1017 sý tógý jumystary júrgizilgen. Qazirgi ýaqytta jalynnyń jalpy aýmaǵy 60 myń gektar bolsa, onyń 43 myń gektary janyp jatyr.
