Álemdik munaı baǵasy 1,11 paıyzǵa quldyraýda. Brent munaıynyń baǵasy barreline 74 dollardan tómen tústi, - dep habarlaıdy «Adyrna» ulttyq portaly.
Astana ýaqytymen 08:38-degi jaǵdaı boıynsha, Londonnyń ICE bırjasynda Brent markaly munaıdyń tamyz aıyndaǵy fıýchersteriniń baǵasy barreline 73,96 dollarǵa deıin 1,11 paıyzǵa tómendegeni belgili boldy.
Shilde aıyndaǵy WTI markaly munaı fıýchersteriniń baǵasy barreline 1,08 paıyzǵa deıin arzandap, 69,41 dollardy quraǵan bolatyn.
4 maýsymda OPEK+ elderiniń otyrysy ótip, onda munaı óndirýdiń jalpy kólemin táýligine shamamen 1,4 mln barrelge, táýligine 40,46 mln barrelge deıin qysqartý týraly sheshim qabyldanǵanyn eske salamyz.
