Qazaqstan bügın de bılım sapasyn arttyru üşın investisiialarǧa basymdyq berıp jatyr. Bıraq keide mümkınlıgı şekteulı jandardy oqytu nazardan tys qalyp qoiady, - degen eken BŪŪ-nyŋ mügedekter qūqyǧy jönındegı arnaiy baiandamaşysy Katalina Devandas Agilar.
Qazaqstandaǧy mektep jasyndaǧy mümkındıgı şekteulı balalardyŋ az ǧana paiyzy jalpy bılım beretın mektepterde sapaly, inkliuzivtı bılım alady. Äsırese, psihiatriialyq-nevrologiialyq mekemelerde tızımde tūrǧan mümkındıgı şekteulı balalar būl prosesten qapy qaluda.
Qazaqstan ükımetı mümkındıgı şekteulı balalardyŋ inkliuzivtı bılımge qol jetkızuın qamtamasyz etuge mındettedı jäne mügedekterdıŋ qūqyqtaryn, sonyŋ ışınde ereuşe qajettılıgı bar balalardyŋ inkliuzivtı, sapaly bılım alu qūqyǧyn bekıtetın adam qūqyqtary jönındegı halyqaralyq şarttardy ratifikasiialau boiynşa maŋyzdy qadam jasady. Ükımet sonymen qatar mümkındıgı şekteulı balalardyŋ sapaly ärı inkliuzivtı bılım beru jüiesıne qatysty zaŋnamalyq jäne de saiasi özgerıster engızdı.
İnkliuzivtı bılım beru prosesı - 21-ǧasyrdaǧy eŋ ülken sūranysqa ie mäsele jäne halyqaralyq standartqa ainalǧan jüie. Qazaqstanda inkliuzivtı türde bılım aludy qajet etetın 160 myŋ-ǧa juyq mümkındıgı şektelgen bala bar. Statistikaǧa süiensek, olardyŋ tek 23% ǧana osyndai bılım beru prosesıne qatysady.
Jaŋa özgerıster men jaŋalyqtarǧa beiımdelu üşın, inkliuzivtı bılım berudı engızu maqsatynda Qazaqstan köp qiyndyqtardy eŋserıp keledı jäne tuyndaǧan problemalardy halyqaralyq täjıribelerdı engızu arqyly şeşuge tyrysyp baǧuda. Mäselen,
- Qazır qazaqstandyq mektepterde pedagog-assistent, iaǧni keŋesşı sanalatyn — tiutor lauazymy engızıldı.
-QR pedagogterı beiımdelgen sport negızderın üirenude, fransuz ärıptesterımen bırlesıp, beiımdelgen sportty mektep sabaǧyna engızu üşın arnaiy baǧdarlamalar äzırleude,
- Oqu baǧyty inkliuzivtı oiyndar arqyly damidy, oǧan qarapaiym balalar da, erekşe balalar da qatysa alady.
- Qaiyrymdylyq ūiymdary inkliuzivtı oqytuǧa mümkındık beretın kabinetter aşyp, onda balalardy mınez-qūlyqty qoldanbaly taldau ädıstemesı boiynşa oqytady.
Qazaqstan Respublikasynyŋ Bılım jäne ǧylymdy damytudyŋ 2020-2025 jyldarǧa arnalǧan memlekettık baǧdarlamasyna säikes, 2025 jylǧa qarai mektepterdıŋ, balabaqşalardyŋ 100%-y jäne kolledjder men joǧary oqu oryndarynyŋ 70%-y inkliuzivtı bılım beru üşın jaǧdai jasauy tiıs.
İnkliuzivtı bılım beru - qazırgı adam sanasyndaǧy töŋkerıs jäne aşyq demokratiialyq memleketterdı taŋdauy. İnkliuzivtı bılım beru - BŪŪ-nyŋ bırqatar konvensiialary qoldaityn jahandyq qozǧalys, "Ūlttyq bılım beru saiasatyna şolu" basylymynda atap ötılgen."İnkliuziia" terminı jäne inkliuzivtı bılım beru prinsipterı 1994 jyly Salamankadaǧy (İspaniia) erekşe qajettılıkterı bar adamdarǧa bılım beru jönındegı düniejüzılık konferensiiada Halyqaralyq qoldanysqa engızıldı. Osy jyly "Barşaǧa arnalǧan Bılım" halyqaralyq baǧdarlamasyna Qazaqstan da qosyldy.
