Memleket basshysy Qasym-Jomart Toqaev Almaty qalasyndaǵy oqýshylardyń ınnovaııalyq shyǵarmashylyq ortalyǵynda boldy, dep jazady "Adyrna" saıty. Bul týraly prezıdenttik resmı saıtynda aıtyldy.
Ortalyqta oqýshylardy ǵylymı-tehnıkalyq, kórkem-estetıkalyq shyǵarmashylyqqa baýlyp, olardyń ekologııalyq-botanıkalyq dúnıetanymyn keńeıtetin, bolashaq mamandyǵyn tańdaýyna baǵyt-baǵdar beretin klýbtar men úıirmeler jumys isteıdi.
Memleket basshysyna Ortalyqtaǵy kásibı baǵdarlaý kabınetiniń jáne avıamodeldeý, vırtýaldy zerthana, balamaly energııa kózderi sekildi úıirmelerdiń jumysy tanystyryldy.
Ortalyqty aralap kórý barysynda Memleket basshysy jetkinshektermen áńgimelesip, olardy búgingi merekesimen quttyqtady. Sondaı-aq balalardyń darynyn, qabiletin damytý úshin osyndaı ortalyqtar óte qajet ekenin atap ótti.
Prezıdent balalar ózderine unaǵan ispen aınalyssa, ómirde úlken jetistikke jetetinin, qoǵamda qurmetti azamat atanatynyn aıtyp, olarǵa sáttilik tiledi.
Úsh qabatty ǵımaratta ornalasqan ınnovaııalyq shyǵarmashylyq ortalyqta 1000-nan astam bala bir mezgilde túrli úıirmege jáne sport sekııasyna qatysa alady. Budan bólek, munda psıhologııalyq-pedagogıkalyq túzetý, defektolog, logoped kabınetteri jumys isteıdi, sondaı-aq 300 oryndyq kórermen zaly, medıakórme, ınteraktıvti oıyn jáne kovorkıng alańdary bar.
Almaty ákiminiń orynbasary Ásem Núsipova Memleket basshysyna qaladaǵy qosymsha bilim berý salasynyń damýy jóninde baıandady. Onyń aıtýynsha, qazirgi kezde shaharda qosymsha bilim beretin 17 mekeme bar. Mektep jasyndaǵy 320 myń balanyń tek 10 paıyzy tegin úıirmelermen jáne sport sekııalarymen qamtamasyz etilgen. Prezıdenttiń tapsyrmasy boıynsha «100 zamanaýı oqýshylar saraıyn salý» baǵdarlamasyn júzege asyrý maqsatynda Alataý aýdanynda taǵy da osyndaı ınnovaııalyq shyǵarmashylyq ortalyq salyndy.
Sonymen qatar osyndaı nysandardyń balalarǵa qoljetimdiligin qamtamasyz etý úshin Túrksib jáne Bostandyq aýdandarynda burynǵy eski oqýshylar saraıynyń ornyna jańadan damý jáne shyǵarmashylyq ortalyqtaryn salý josparlanǵan. Jalpy, qala basshylyǵy 2025 jyldyń sońyna qaraı tegin qosymsha bilimmen qamtý kórsetkishin 25 paıyzǵa jetkizýdi kózdep otyr.
"Adyrna" ulttyq portaly
