Qazaqstandyqtarǵa Ońtústik Koreıada zańdy túrde jumys isteýge ruqsat berilýi múmkin. Bul týraly Ońtústik Koreıa Respýblıkasynyń syrtqy ister mınıstri Pak Jınmen kezdesýden keıin Syrtqy ister mınıstri Murat Nurtileý málimdedi, dep habarlaıdy “Adyrna” ulttyq portaly.
Búgingi kezdesý barysynda Ońtústik Koreıa Respýblıkasynyń syrtqy ister mınıstri Pak Jın myrzamen memleketaralyq baılanystyń mańyzyn eskerip, eki el azamattarynyń eńbek jáne kóshi-qon quqyqtaryn qamtamasyz etý máselesin ortaǵa saldyq. Óz tarapymnan, Qazaqstan azamattarynyń Koreıada zańdy jumys isteýi máselesine mán berip, ásirese, atalǵan eldiń «Eńbekke ruqsat berý júıesiniń» tizimine Qazaqstandy qosýy elimiz úshin asa mańyzdy ekenine nazar aýdardym, - dedi Murat Nurtileý brıfıngte.
Sondaı-aq, mınıstr Ońtústik Koreıamen saıası dıalog, saýda-ekonomıkalyq jáne mádenı-gýmanıtarlyq yntymaqtastyq órisin keńeıtý - eki elge ortaq is ekenin aıtty.
Pak Jınmen qoıan-qoltyq jumys isteýge daıyn ekenimdi taǵy qýattap, ekijaqty qarym-qatynasymyzdy jańa beleske shyǵarýǵa ortaq kúsh salatynymyzǵa kámil senimdimin,- - dedi ol.
