Birmandatty okrýg boıynsha saılanǵan Abzal Quspannyń Atyraý oblysyndaǵy fırmalar týraly Bas prokýror Berik Asylovqa depýtattyq saýal joldap, zańsyz alynǵan aktıvterdi memleketke qaıtarý isiniń barysy jaıly surady, dep habarlaıdy "Adyrna" ulttyq portaly.
Depýtat Abzal Quspan shetke ketken el qarjysynyń shashaýyn jyǵarmaı qaıta qazynaǵa qaıtarýdyń mán-mańyzyn aıtyp, depýtattyq saýal joldady.
- Qazir parlament qabyrǵasynda depýtattar bastamasymen kezinde zańsyz alynǵan aktıvterdi memleketke qaıtarýǵa baǵyttalǵan halyqaralyq asa mańyzdy zań jobasy qaralyp jatyr. Osy zań arqyly biz otyz jyl boıy memleket qazynasyn tonaǵan, elimizdiń, halqymyzdyń bolashaǵyn urlaǵan jemqorlardy jaýapkershilikke tartyp, olardyń jasyrǵan, shetel asyrǵan dúnıesin memleketke qaıtarýdy maqsat tutyp otyrmyz... Qazaqstan boıynsha bıýdjetke eń kóp qarjy aýdaratyn óńir retinde Atyraý óńiri bolsa, Qazaqstanǵa qyzmet etip jatqan kompanııalar ishinen eń kóp salyq tóleýshi retinde "TeńizShevrOıl" kompanııasy tanyldy. Shetel asqan qarjymyzdy izdestiremiz desek, nazardy teńiz aılaǵyna aýdarýymyz kerek. Sońǵy otyz jyldyń aınalasynda osyndaı úlken kompanııanyń aınalasynda repýtaııasy kúmándi qazaqstandyq jáne sheteldik fırmalar qaptap ketken. Olardyń sany myńdap sanalady. Olardyń mindetine qyzmet kórsetý, jumys jasaý emes, TShO sııaqty alpaýyt kompanııalardan tapsyrys alyp, onyń az bóligin qazaqstandyq kompanııalarǵa bólip, qalǵan iri bóligin shetelge zańsyz shyǵarý kiredi. Eń soraqysy sol, otyz jyl boıy júrisinen jańylmaǵan fırmalardyń sur shemalary áli de jumys jasap tur - dedi.
Sonymen qatar, depýtat birqatar fırmalardyń atyn atap, shetelge qarjy tasý áreketterin áshkereledi. Olardyń deldaldyq arqyly mol qarjy taýyp, paıdaǵa kenelgenin aıtyp, nátıjesinde qazaqstandyq munaıshylar men qyzmetkerdiń jumyssyz qalatynyn habarlady. Syrtqa "aqsha tasýdyń" zańdyq shemasyn kórsetip, máselege memlekettik deńgeıde nazar aýdarýdy surady.
"Adyrna" ulttyq portaly
