Bügın Almatyda qoǧam belsendılerı, deputattar jäne būqaralyq aqparat qūraldarynyŋ ökılderı bas qosyp, erekşe balalarǧa qoldau bıldırdı. Jinalǧandar mümkındıgı şekteulı jetkınşektermen türlı sporttyq oiyndar oinap, olardyŋ qoǧamǧa beiımdeluıne üles qosty. Is-şarany ««Samruk-Kazyna Trust» äleumettık jobalardy damytu qory ūiymdastyrdy.
Atalmyş qor ūzaq jyldar boiy erekşe kütımdı qajet etetın balalardy oŋaltu üşın bırqatar baǧdarlamany jüzege asyryp keledı. Mäselen, 2018 jyly ıske qosylǧan «Salamatty bolaşaq» jobasy aiasynda elımızdıŋ 21 qalasynda inkliuzivtı jäne beiımdelgen sport seksiialarynyŋ jelısı aşylǧan. Qazır ondaǧy üiırmelerge myŋnan astam tärbielenuşı tegın qatysyp jatyr. Būdan bölek, qordyŋ «Jetımı joq Qazaqstan», «Autizmdı jeŋemız» atty baǧdarlamalary nätijelı jūmysyn körsettı.
– 43 jobany jüzege asyra otyryp, 500 myŋ adamǧa kömektestık. Onyŋ ışınde 95 myŋy – auyl tūrǧyny, sondai-aq 55 myŋ bala da bar. Al 625 adamdy jobalar arqyly jūmyspen qamti aldyq, – dedı «Samruk-Kazyna Trust» äleumettık qorynyŋ bas direktory Älfiia Ädieva.
