Almatyda birqatar kóshe jylý jelilerin qalpyna keltirý úshin 3 aıǵa jabylady, dep habarlaıdy "Adyrna" portaly.
«Almaty jylý júıesi» kásipornynyń málimetinshe, 2023 jyldyń 29 mamyr men 30 tamyz aralyǵynda Almaly aýdanyndaǵy Bógenbaı batyr kóshesi (Baıtursynov kóshesinen Naýryzbaı batyr kóshesine deıin aýla ishilik aýmaq boıynsha) jabylady.
Jetisý aýdanynda 31 mamyrdan 1 tamyzǵa deıin Raskov kóshesiniń boıy ( Esenov kóshesinen Kolpakovskıı kóshesine deıin odan ári №143 mektep-lıeı ǵımaratyna deıingi) bóliginde kólik qozǵalysy shekteledi.
1 maýsym men 30 tamyz aralyǵynda Shalıapın kóshesinde ( Soltústik baǵytta Momyshuly kóshesinen Saın kóshesine deıingi aýla ishilik aýmaq boıynsha) jol jabylady.
«Engizilgen shekteýler atalǵan kóshe segmentteriniń júris bóliginiń astynda ótetin qubyrlardy qaıta qurý úshin qajet. Jergilikti turǵyndarǵa qolaıly jaǵdaıdy saqtaý úshin úılerge ystyq sý ýaqytsha shema boıynsha beriletin bolady»,- dep habarlady «Almaty jylý jelileri» JShS baspasóz qyzmeti.
Kompanııa keltirilgen qolaısyzdyq úshin almatylyqtardan keshirim suraıdy.
Sonymen qatar, júrgizýshilerge jol júrý baǵytyn aldyn ala josparlaýǵa keńes berdi.
