Almatyda Qaŋtar oqiǧasyna orai taǧy 25 adam sottaldy

Almatyda Qaŋtar oqiǧasyna qatysqan 25 adamǧa ükım şyǧaryldy, dep habarlaidy "Adyrna" tılşısı qalalyq sottyŋ baspasöz qyzmetıne sılteme jasap. Olardyŋ ısın Bostandyq audanynyŋ No2 audandyq soty qarady. Sot tergeuı barysynda sottaluşylardyŋ 4-5 qaŋtar aralyǧynda qalanyŋ är jerınde jappai tärtıpsızdıkterge qatysqany anyqtaldy:

• tūrǧyn üi, qyzmettık jäne öndırıstık üi-jailarǧa zaŋsyz kıru arqyly asa ırı kölemdegı ūrlyq jasaǧan;
• ırı zalal keltırgen avtokölıkterdı ūrlaǧan;
• qauipti öndiristik obektiniŋ, sondai-aq arnaiy organdar küzetip otyrǧan basqa da obektilerdiŋ aumaǧyna zaŋsyz engen.

Būl aitarlyqtai şyǧynǧa jäne basqa da auyr zardaptarǧa äkelgenı atap ötıldı. «Sondai-aq, olardyŋ aldyn ala kelısım boiynşa atys qaruy men oq-därılerdı, sondai-aq tötenşe jaǧdai jariialanǧan audandaǧy tärtıpsızdıkter kezınde bır top adamdar aldyn ala söz bailasu arqyly şeneunıkter mülkın büldırumen jäne joiumen zalal keltırgenı anyqtaldy», - delıngen Almaty qalalyq sotynda. Jaza taǧaiyndau kezınde kelesı faktorlar eskerıldı:

• sottaluşylardyŋ kınäsın tolyq jäne ışınara moiyndau;
• sottylyǧy joq;
• tūlǧanyŋ jeke derekterı;
• jas mölşerı;
• qūqyq būzuşylyq jasaǧanǧa deiıngı jäne odan keiıngı mınez-qūlyq;
• kämeletke tolmaǧan balalardyŋ boluy;
• qylmystyq qūqyq būzuşylyqtyŋ sipaty men qoǧamdyq qauıptılık därejesı;
• tötenşe jaǧdaida qylmystyq qūqyq būzuşylyq jasau.

Sot ükımımen 20 aiyptaluşy raqymşylyq zaŋyn qoldanu arqyly 9 aidan 1 jyl 9 aiǧa deiın şartty türde bas bostandyǧynan aiyryldy. Raqymşylyq zaŋynyŋ qoldanyluyna bailanysty taǧy törteuı jazadan bosatyldy.

"Adyrna" ūlttyq portaly