Tegeranda Qazaqstan premer-mınıstri Álıhan Smaıylov pen Iran Islam Respýblıkasynyń prezıdenti Ibrahım Raısıdiń kezdesýi ótti, dep habarlaıdy “Adyrna” ulttyq portaly.
Kezdesý barysynda Álıhan Smaıylov Memleket basshysy Qasym-Jomart Toqaevtyń sálemin jetkizip, Qazaqstan-Iran qarym-qatynasyn damytý máselesi elimizdiń kún tártibinde erekshe oryn alatynyn atap ótti.
"Qazir eki eldiń úkimetteri joǵary deńgeıde alǵa qoıylǵan mindetterdi naqty júzege asyrý boıynsha belsendi jumys júrgizip jatyr. Bıylǵy jyl ekijaqty jáne kópjaqty formattaǵy yntymaqtastyǵymyzdyń joǵary nátıjemen erekshelenetinine senimdimin", — dedi premer-mınıstr.
Atap aıtqanda, bıyl Tegeranda aýyl sharýashylyǵy boıynsha Qazaqstan-Iran jumys tobynyń birinshi otyrysyn ótkizý josparlanǵan.
Bul eki el arasyndaǵy AÓK salasyndaǵy yntymaqtastyqty damytýǵa qosymsha serpin bermek.
Sonymen qatar saýda baǵytyndaǵy jumysty kúsheıtý maqsatynda Qazaqstannyń Irandaǵy arnaıy saýda ókilin taǵaıyndaý týraly sheshim qabyldandy.
Taraptar saýda-ekonomıkalyq, ınvestıııalyq jáne shekara mańy yntymaqtastyǵyn damytýdaǵy ózekti máselelerdi, sondaı-aq mádenı-gýmanıtarlyq baǵyttaǵy ortaq bastamalardy júzege asyrý jaıyn talqylady.
Iran - ıadrolyq baǵdarlamasyna oraı batys sankııasyna ushyraǵan el. Ádette, bul sankııalar Irannyń kóptegen eldermen baılanysyn damtyýǵa kedergi.
