27 nauryzda Maŋǧystau oblysy Jetıbai auylynyŋ jūmyssyz tūrǧyndary joldy jauyp tastady, dep jazady "Adyrna" ūlttyq portaly.
Audan äkımdıgınıŋ habarlauynşa, Jetıbai auylynyŋ 50-ge juyq jūmyssyz tūrǧyny mūnai-gaz salasyna jūmysqa ornalasudy talap etıp, auyl äkımdıgınıŋ aldyna jinaldy.
Sondai-aq azamattar tez arada jūmysqa ornalastyrudy talap etıp, Jetıbai №6 mūnai käsıpşılıgıne aparatyn joldy jauyp tastaǧan.
"Qazırgı taŋda Qaraqiia audanynyŋ äkımı Q.Bekov pen Maŋǧystau oblysynyŋ jūmyspen qamtudy üilestıru jäne äleumettık baǧdarlamalar basqarmasynyŋ basşysy Ä.Şopanov zaŋsyz narazylyq aksiiasyna qatysuşylarǧa tüsındıru jūmystaryn jürgızude. Audan äkımı Qydyrberdı Bekov tüsındıru jūmystaryn jalǧastyru üşın jinalǧandardy Jetıbai auylyndaǧy mädeniet üiınıŋ ǧimaratynda şaqyryp, jergılıktı atqaruşy organdardyŋ halyqty jūmyspen qamtu mäselelerın şeşu baǧytynda jūmys atqaryp jatqanyn jetkızdı", - delıngen habarlamada.Audan äkımı Qydyrberdı Bekovtyŋ mälımdeuınşe, jinalǧan tūrǧyndardyŋ talaptary negızsız. Sebebı, audannyŋ barlyq tūrǧynyn bır mezgılde mūnai-gaz salasyna jūmysqa ornalastyru mümkın emes. Sonymen qatar Jūmyspen qamtu ortalyǧy ūsynyp otyrǧan barlyq mümkındıktı paidalanu qajet.
"Adyrna" ūlttyq portaly
