Janqosh Turarov jartylaı orta salmaqta IBO nusqasy boıynsha álem chempıony atandy. Bul týraly prosports.kz habarlady, dep jazady "Adyrna" ulttyq portaly.
Almatyda ótken boks keshinde qazaq boksshysy Janqosh Turarov (26-0, 19 KO) tıtýldyq jekpe-jek ótkizdi.
Turarov meksıkalyq Alehandro Menesespen (16-5, 9 KO) IBO tujyrymy boıynsha jartylaı orta salmaqtaǵy tıtýly úshin judyryqtasty. Aıta keteıik, bul jekpe-jekte Meksıka boksshysy chempıon mártebesine ıe bolǵanymen, qazaqstandyq boksshy aıqyn favorıt sanalǵan bolatyn.
Jekpe-jek on eki raýndqa josparlanǵan. Alaıda onynshy raýndtyń basynda Alehandro jekpe-jekti jalǵastyrýdan bas tartty.
Osylaısha, Janqosh Turarov kásipqoı mansabyndaǵy 27-shi jeńisine qol jetkizip, IBO tujyrymy boıynsha jartylaı orta salmaqtaǵy álem chempıondyq belbeýine qol jetkizdi. Alehandro Meneses kásipqoı boksta altynshy ret jeńiliske ushyrap, tıtýlynan aıyryldy.
"Adyrna" ulttyq portaly
