Jaqsylyqtan úmittenip, asyǵa kútken saılaý kúni de kórgen tústeı óte shyqty. «Ádiletti Qazaqstan», «Jańa Qazaqstan» degen urandar – tek ıdeologııalyq tirkester ekendigine kóz jetkizdik.
Ózimiz de «Nazarbaev rejıminiń shirigen irgetasynyń ústine qalaı «jańa Qazaqstan» qurylmaq dep kúmandanyp júrýshi edik. Búlingen irgetas jańa qurylysqa negiz bola almaıdy eken. Bılik reformalardy konstıtýııalyq deńgeıde júzege asyrmaǵan soń bári sol kóne kúıinde qala bermek.
Bizdiń bıliktegi eń tapshy qasıet – memleketshildik bolyp tur. Sheneýnikter, saılaý ýchaskesiniń qyzmetkerleri memlekettiń demokratııalyq damý baǵytyna emes ákimshilik arqyly jekelegen bireýlerdiń nemese klandardyń múddesine qyzmet etip jatady. Ókinishke qaraı Rysbek pen Ermurattyń jaǵdaıy soǵan dálel. Ekeýi de baqylaýshy qoıyp qadaǵalaǵan saılaý ýchaskelerinde basym daýysqa ıe de, baqylaýshy qoıa almaǵan ýchaskelerde «ýqan-sýqan» jaǵdaılar oryn alyp jatyr. Bir adamnyń birneshe ýchaskede daýys berýi, qyzmetkerlerdiń bıýlletenderdi toptap salýy, «karýsel» qubylystary, bireýdiń ornyna bireý daýys berýi sııaqty jaǵdaılar basqa da saılaý okrýgterinde baıqalyp jatty. Áleýmettik jelilerde vıdeolary bar.
Qazaqstandaǵy saılaýlardy baqylaý jónindegi EQYU qysqa merzimdik mııssııasynyń jetekshisi ári arnaıy úılestirýshisi Iren Haralambıdes hanym bıliktiń Májilis pen máslıhat saılaýyna tyńǵylyqty daıyndalǵanyn atap óte otyryp, birqatar zań buzýshylyqtarǵa jol berilgenin, «olar kóbine saılaý qorytyndysyn shyǵarý men sanaý kezinde» oryn alǵanyn aıtty. Bul neni kórsetedi? Bul Nazarbaevtyń kadrlary Qazaqstandy jańa jolǵa sala almaǵanyn kórsetedi. Rejım qansha tyryssa da ejelden úırenshikti «kolleıasynan» shyǵa almaı qalǵan. Elektorattyń bılikke senimi múlde tómen ekendigin saılaýǵa qatysýshylar sanynyń kúrt kemip ketkeni kórsetip berdi. Asa ókinishti! Aqyryn kútemiz endi!
"Adyrna" ulttyq portaly
