Oblys ortalyǵy — Jezqazǵan qalasynda Respýblıkalyq «Mereıli otbasy» jobasynyń qatysýshylary Áıtenovter januıasy otbasymen kelip óz daýystaryn berdi. Olar elimizde ótken birde-bir saılaýdan tys qalǵan emes.
Esterińizge salaıyq, Respýblıkalyq «Mereıli otbasy» Ulttyq baıqaýynyń Ulytaý oblysynan qatysýshylary Áıtenovter otbasy — metallýrgter dınastııasy. Taý-ken salasyndaǵy áýlettiń jalpy eńbek ótili 442 jylǵa jetedi.
9 balasy, 36 nemeresi, 70 shóberesi, 3 shópshegi bar shańyraq, shyn máninde, elge úlgi-ónege.
Ulytaý oblysynda daýys berý belsendi júrýde. Búgingi saılaýǵa oblys turǵyndarynyń kóbisi ulttyq kıimde kelýde.
Ulytaý oblysynda Parlament Májilisi men barlyq deńgeıdegi máslıhattar depýtattarynyń saılaýy júrýde.
Azamattar 19 naýryzda saǵat 20:00-ge deıin óz daýystaryn bere alady.
Óńirde barlyǵy 134 saılaý ýchaskesi jumys isteıdi.
