Qazaqstan Reseı ǵarysh aılaqtarynyń bas operatory "Jerdegi ǵarysh ınfraqurylymyn paıdalaný ortalyǵynyń" múlkin buǵattady. Bul týraly Azattyq radıosy habarlady, dep jazady "Adyrna" ulttyq portaly.
The Moscow Times basylymynyń Orys qyzmetiniń habaryna qaraǵanda, oǵan Reseı operatorynyń "Báıterek" kompanııasyna (Qazaqstan men Reseıdiń birlesken kompanııasy) 13,5 mlrd teńge bereshegi sebep bolǵan. Bul qaryz "Soıýz-5" zymyran tasyǵyshynyń qorshaǵan ortaǵa áserin baǵalaý jumystaryna baılanysty paıda bolǵan.
"Qazaqstan sot oryndaýshylary Reseı operatorynyń Qazaqstannan materıaldyq qundy zattardy alyp shyǵýyna jáne operator jetekshileriniń tergeý aıaqtalǵansha respýblıkadan ketýine tyıym salǵan",- dep jazady KZ24.
Ǵaryshty ıgerý baǵdarlamasyn birge júzege asyrý úshin 2005 jyly Qazaqstan men Reseı birlesip, "Báıterek" kásipornyn qurǵan. Baǵdarlamada ýly geptılmen ushatyn "Proton" zymyran tasyǵyshynyń ornyna ekologııalyq turǵydan zalalsyz zymyran tasyǵysh paıdalanýǵa kóshý kózdelgen. Jańa start alańyn salý josparlanǵanymen, ol keıinge qaldy.
KZ24 aqparattyq portaly Qazaqstannyń qatań talapqa kóshkeni "Roskosmostyń" jańa basshysy Iýrıı Borısovtyń Qazaqstannyń ıfrlyq damý, ınnovaııalar jáne aeroǵarysh ónerkásibi mınıstri Baǵdat Mýsındi synaǵanyna qatysy bar bolýy múmkin dep boljaıdy. Borısov ony "Qazaqstan start alańynyń qurylysyn jarty jylǵa keıinge qaldyrdy" dep synaǵan. Mýsın Borısovtyń synyn "dıplomatııalyq qate" dep ataǵan.
"Adyrna" ulttyq portaly
