2023 jyldyŋ aqpan aiynyŋ ortasynda qazaqstandyq zaŋger Anna Dimitrievich Almatyda küieuı ekeuın ataqty baluannyŋ balasy soqqyǧa jyqqanyn mälımdedı.10 nauryzda Qazaqstannyŋ Bas äskeri prokuraturasy Däulet Tūrlyhanovtyŋ ūlyna qatysty ıstıŋ män-jaiyn aitty, dep habarlaidy "Adyrna" ūlttyq portaly Zakon.kz-ke sılteme jasap.
11 aqpanǧa qaraǧan tünı Almatyda äl-Farabi daŋǧylynda, oiyn-sauyq oryndarynyŋ bırınıŋ maŋynda QR Qorǧanys ministrlıgı 30212 äskeri bölımınıŋ merzımdı äskeri qyzmetşısı, demalysta jürgen qatardaǧy jauynger N.D.Bolat pen azamat O.Chernov arasynda janjal şyqty.
"Qaqtyǧys kezınde Bolat Chernov pen onyŋ äielı A.Chernovaǧa bırneşe soqqy jasaǧan. Osy faktı boiynşa 11 aqpanda Almaty qalalyq IID Bostandyq audandyq polisiia bölımı Bolatqa qatysty QR Qylmystyq kodeksınıŋ 293-baptyŋ 1-bölıgı ("Būzaqylyq") boiynşa sotqa deiıngı tergeudı tırkedı",- dep habarlady QR Bas äskeri prokuraturasy.Artynşa departamentte naqtylanǧandai, "Bolattyŋ äskeri adam ekenın eskere otyryp, qylmystyq ıs sot qarauyna Almaty oblystyq garnizonynyŋ Äskeri polisiia basqarmasyna berıldı".
"Sotqa deiıngı tergep-tekseru aiasynda sot-medisina saraptamasyn taǧaiyndap, qadaǧalauşy prokuror oqiǧanyŋ barlyq män-jaiyn anyqtauǧa jazbaşa nūsqau berdı",- dep habarlady QR Bas äskeri prokuraturasy.QR Qylmystyq-prosestık kodeksınıŋ 201-babyna säikes tergeu müddesındegı özge mälımet jariialauǧa jatpaidy. 2023 jyldyŋ 15 aqpanynda Almatyda erlı-zaiypty advokattar Anna Dimitrievich pen Oleg Chernovty soqqyǧa jyqqany belgılı boldy. Annanyŋ aituynşa, küieuı ekeuıne şabuyl jasaǧan ataqty qazaq baluany Däulet Tūrlyhanovtyŋ ūly bolyp şyqty. Keiın Däulet Tūrlyhanov Almatydaǧy ūlyna qatysty oqiǧany tüsındırıp, terıs qylyǧy üşın keşırım de sūrady.
"Adyrna" ūlttyq portaly
