11 aqpanǵa qaraǵan túni Almatyda ál-Farabı dańǵylynda, oıyn-saýyq oryndarynyń biriniń mańynda QR Qorǵanys mınıstrligi 30212 áskerı bóliminiń merzimdi áskerı qyzmetshisi, demalysta júrgen qatardaǵy jaýynger N.D.Bolat pen azamat O.Chernov arasynda janjal shyqty.
"Qaqtyǵys kezinde Bolat Chernov pen onyń áıeli A.Chernovaǵa birneshe soqqy jasaǵan. Osy fakti boıynsha 11 aqpanda Almaty qalalyq IID Bostandyq aýdandyq polıııa bólimi Bolatqa qatysty QR Qylmystyq kodeksiniń 293-baptyń 1-bóligi ("Buzaqylyq") boıynsha sotqa deıingi tergeýdi tirkedi",- dep habarlady QR Bas áskerı prokýratýrasy.
Artynsha departamentte naqtylanǵandaı, "Bolattyń áskerı adam ekenin eskere otyryp, qylmystyq is sot qaraýyna Almaty oblystyq garnızonynyń Áskerı polıııa basqarmasyna berildi".
"Sotqa deıingi tergep-tekserý aıasynda sot-medıına saraptamasyn taǵaıyndap, qadaǵalaýshy prokýror oqıǵanyń barlyq mán-jaıyn anyqtaýǵa jazbasha nusqaý berdi",- dep habarlady QR Bas áskerı prokýratýrasy.
QR Qylmystyq-proestik kodeksiniń 201-babyna sáıkes tergeý múddesindegi ózge málimet jarııalaýǵa jatpaıdy.
2023 jyldyń 15 aqpanynda Almatyda erli-zaıypty advokattar Anna Dımıtrıevıch pen Oleg Chernovty soqqyǵa jyqqany belgili boldy. Annanyń aıtýynsha, kúıeýi ekeýine shabýyl jasaǵan ataqty qazaq balýany Dáýlet Turlyhanovtyń uly bolyp shyqty.
Keıin Dáýlet Turlyhanov Almatydaǵy ulyna qatysty oqıǵany túsindirip, teris qylyǵy úshin keshirim de surady.
"Adyrna" ulttyq portaly
