Kezdesý Meksıkanyń Tıhýana qalasynda ótken boks keshi aıasynda uıymdastyryldy.
Qazaqstandyq Edil Qojamberdıev kásipqoı rıngte meksıkalyq Hýan Karlosty merziminen buryn jeńdi, - dep habarlaıdy Vesti.kz.
Kezdesý Meksıkanyń Tıhýana qalasynda ótken boks keshi aıasynda uıymdastyryldy. Jekpe-jek 4 raýndqa eseptelgen, alaıda Qojamberdıev birinshi raýndta-aq tehnıkalyq nokaýtpen jeńdi.
Osylaısha, 32 jastaǵy Qojamberdıev kásipqoı boksta 8-shi kezdesýin ótkizip, altaýyn merziminen buryn jeńip, ekeýinde jeńilgen. Al onyń qarsylasy sporttyq mansabynda 27-shi ret jeńilip otyr eken. Ol buryndary úsh ret nokaýtpen jeńgen jáne úsh ret qarsylasymen teń túsken.
Qojamberdıev kásipqoı boksta 2017 jyly shildede AQSh-ta óner kórsetip bastady. Keıinirek ol Otanynda úsh ret jáne Reseıde eki ret judyryqtasty. Ázirge ol alty raýndtyq kezdesýlerge shyqqan joq.
Ol jartylaı aýyr salmaqtan bastaǵan, alaıda keıinirek birinshi aýyr dıvızıonǵa ótti. Onyń kelesi jekpe-jegi 27 aqpanda ótedi. Qarsylasynyń esimi ázirge belgisiz.
