«Aq jol» dempartııasynyń saılaýaldy shtaby el aýmaǵy boıynsha halyqpen jáne eńbek ujymdarymen kezdesýlerin belsendi túrde jalǵastyrýda. 700-den astam partııa kandıdattary qala, oblys, aýdandar men shalǵaı aýyldarda kezdesýler ótkizýde. Búgin «Aq jol» respýblıkalyq shtabynyń músheleri Qostanaı qalasyna keldi. Partııa lıderi Azat Perýashev, «Aq jol» QDP Qostanaı oblystyq fılıalynyń tóraǵasy Mahabbat Jutaev jáne Májilis pen jergilikti máslıhat depýtattyǵyna kandıdattar «Beef Export Group» JShS eńbek ujymymen kezdesti. Kásiporyn etti qaıta óńdeý, konservileý jáne satýmen aınalysady. Saılaý shtabynyń músheleri kásiporynnyń jumysymen, ónimderimen tanysty.
Jıyn barysynda partııa tóraǵasy «Aq jol» dempartııasy jumys istep jatqan alty negizgi baǵyttaryn atady. Táýelsizdik jáne «Alash» ulttyq ıdeıasy, demokratııa jáne parlamentarızm, jemqorlyqpen kúres jáne de-ofshorızaııamen kúres, áleýmettik ádilettilik, naryqtyq ekonomıka jáne kásipkerlikti qoldaý, syrtqy saıasat. Partııa basshysy demokratııa jáne parlamentarızm taqyrybyna, memlekettik bıýdjetti bekitý men baqylaýdaǵy Parlamenttiń ókilettigin kúsheıtý, sheteldik ınvestorlarmen kelisim-sharttardy qaıta qaraý máselelerine jan-jaqty toqtaldy.
– «Ádilettilik adam quqyǵyna ǵana qatysty emes, sonymen qatar, áleýmettik salada da, ekonomıkada da ádildik bolýy kerek, mysaly, ádil salyq salý. «Aq jol» dempartııasy salyq, ınvestıııalyq, qarjylyq zańnamany jetildirý boıynsha toqtaýsyz jumys isteýde», - dedi A. Perýashev.
Sonymen qatar, qyzmetkerlerdi zeınet jasy, ıpotekalyq nesıeleý, jeke tulǵalardyń bankrottyǵy máseleleri qyzyqtyrdy.
Partııa kóshbasshysy 3 naýryzda «Aq jol» dempartııasy 8 jyldan beri talap etip kelgen jeke tulǵalardyń bankrottyǵy týraly zańnyń kúshine engenin eske saldy. Prezıdent Q.Toqaevtyń tikeleı tapsyrmasynan keıin ǵana is alǵa jyljydy.
Kezdesý ashyq ári erkin pikiralmasý túrinde ótti.
– «Azat Turlybekuly, kelgenińizge rahmet. Bizdiń eńbek ujymy «Aq jol» partııasynyń saıasatyn tolyqtaı qoldaıdy. Sizben tanysqan kezde bizdiń kompanııa daǵdarysty jaǵdaıda boldy. Sizge alǵysym sheksiz, óıtkeni siz eshteńege qaramastan bizdiń máselemizge tereńirek úńilip, ádildik úshin tabandylyq tanyttyńyz. Sonyń arqasynda osy kásiporynnyń qurylysyn aıaqtadyq. 2020 jyly Beefstream kompanııasynyń esepshottary buǵattalǵandyqtan, 50 adam jumyssyz qaldy. Biraq osy kompanııany salyp, munda adamdardy jartylaı jumyspen qamtydyq. Ol bolmasa, biz bul jerde turmas edik. Qansha qylmystyq is qozǵalǵanyn, qansha qysym jasalǵanyn bilseńiz ǵoı. Biraq sizdiń qoldaýyńyzdyń arqasynda biz qazir jumysty jalǵastyrýdamyz. Alda talaı ister kútip tur dep oılaımyn. Sondyqtan, bizdiń eńbek ujymy partııa ıdeıasyn, partııa saıasatyn tolyq qoldaıdy jáne «Aq jol» partııasynyń qataryna qosylýdy qalaıdy, – deıdi seriktestik basshysy Aleksandr Parhomenko.
Azat Perýashev et kombınatynyń ujymyna alǵys bildirip, baǵa turaqtylyǵyn qamtamasyz etip otyrǵan salalardy atady. Kompanııanyń birneshe qyzmetkerine «Aq jol» demokratııalyq partııasynyń partbıletteri tabystaldy.
Sol kúni «aqjoldyqtar» «Terra» kompanııasynyń kókónis qoımasy jáne «ABZ Plıýs» JSh-niń de eńbek ujymdarymen kezdesti.
Azat Perýashev partııanyń saıası baǵdarlamasyn tanystyryp, basym baǵyttaryn jan-jaqty túsindirip berdi. «Aq jol» dempartııasynyń ekonomıkany lıberalızaııalaýǵa qatysty usynystaryna aıryqsha toqtaldy.
«Bizdiń partııa 2011 jyldan bastap salalyq salyq mólsherlemelerine kóshýdi usynyp keledi. Sebebi, bizde azyq-túlik pen kıim-keshek óndirýshileri munaı, gaz, metaldarymyzdy eksporttaýshy, ózgeniń taýaryn ımporttaýshy iri kompanııalarmen birdeı QQS tóleıdi. Al, barlyq kásipkerler men halyq bereshek bolyp otyrǵan bankter QQS-tan múldem bosatylǵan.
Osy oraıda, Eýropada jáne basqa da damyǵan elderde (EYDU) saralanǵan salyq stavkalary burynnan bar, áleýmettik jáne mańyzdy sala kásipkerleri salyqty az tóleıdi. Mysaly, aýyl sharýashylyǵy, aýyl sharýashylyǵy ónimderin óńdeý, azyq-túlik óndirisi, dári-dármek, balalar ónimderi. Biraq, 2011 jyldan beri saralanǵan salyq mólsherlemelerin engizý týraly kóptegen usynystarymyzǵa úkimet «bul adal básekelestik qaǵıdatyn buzý» dep jaýap berip keldi. Kim arasyndaǵy báseke? Baı men kedeı arasyndaǵy ma? Munaı kompanııasy men shujyq ehynyń arasyndaǵy ma? Bul báseke emes, tonalý», — dedi Azat Perýashev.
Eske salaıyq, 2022 jyly Q.Toqaevtyń tapsyrmasynan keıin Salyq kodeksi ázirlene bastady, onda prezıdent salalyq salyq mólsherlemelerine kóshýdi tapsyrǵan bolatyn.
Sonymen qatar, Parlamenttik Respýblıkanyń erekshelikteri, Úkimettiń esep berý prınıpin júzege asyrý, zańnamaǵa «shyqqan deregi belgisiz baılyq» uǵymyn engizý, úkimet músheleriniń, ákimderdiń, ulttyq kompanııa basshylarynyń offshorlyq bank shottaryna qatysty banktik qupııany joıý máseleleri talqylandy.
Partııa tóraǵasy «Aq jol» árqashan otandyq taýar óndirýshilerdi qoldap, qarapaıym azamattardy qorǵaıtynyn atap ótti. Mysal retinde ol jeke tulǵalardyń bankrottyǵyn engizýge qatysty partııa men Ulttyq bank arasyndaǵy 8 jylǵa sozylǵan tartys jaıly aıtyp berdi.
Munan soń, «Aq jol» dempartııasynyń kandıdattary «ABZ plıýs» JShS eńbek ujymymen kezdesti. Birneshe jyl buryn «Aq jol» dempartııasy kásiporyndy bankrottyqtan saqtap qalǵan bolatyn. Salyq organdary kásiporynǵa 3,5 mıllıard teńge aıyppul salǵannan soń, «Aq jol» partııasynyń tóraǵasy Bas prokýrorǵa, Joǵarǵy sotqa jáne Úkimetke saýal joldaǵan bolatyn. «Aq jol» dempartııasy salyq aıyppulynyń qate eseptelgenin dáleldep, jumys oryndaryn saqtap, kásiporyndy qorǵap qala aldy. Bul týraly kompanııa dırektory Nıkolaı Lobanovtyń ózi aıtyp, «Aq jol» partııasyna alǵys bildirdi.
Partııalyq baǵdarlama tanystyrylǵannan keıin kásiporyn qyzmetkerleri erkin áńgime barysynda ıpotekalyq nesıeleý, zeınet jasyn tómendetý, zııandy jáne qaýipti eńbek jaǵdaılary bar jumysshylardyń 1 jáne 2 tizimderin qaıtarý, jalaqyny kóterýge qatysty suraqtaryn qoıdy.
«Muǵalimder men dárigerlerdiń, bıýdjettik jáne áleýmettik qyzmetkerlerdiń jalaqysy únemi kóteriledi, al biz sekildi kóshede jumys isteıtin qarapaıym jumysshylar múldem eskerilmeıdi. Osy máseleni Úkimet aldynda kótere alasyz ba?», - dep ótinish bildirdi kásiporyn qyzmetkerleriniń biri.
Kásiporyn basshysy Nıkolaı Lobanovtyń aıtýynsha, bıylǵy jylǵa deıin kóshelerdi qardan tazartý boıynsha memlekettik satyp alýda bir qyzmetkerge saǵatyna 700 teńge tarıf bekitilgen, bul shyn máninde jetkiliksiz jáne 80-90 myń aralyǵyndaǵy jalaqy sodan qalyptasady, al jol salasyndaǵy jumysshylardyń eńbegi óte aýyr.
«Aq jol» dempartııasy Qostanaı oblystyq fılıalynyń tóraǵasy, oblystyq máslıhattyń eki shaqyrylymynyń depýtaty bolǵan Mahabat Jutaev taıaýda ǵana tarıf qaıta qaralyp, 1400 teńgege deıin kóterilgenin atap ótti.
Sondaı-aq, turǵyn úı men onyń jalǵa alý baǵasynyń qymbattaýyna, jastarǵa qoljetimdi baspananyń joqtyǵyna qatysty shaǵymdar aıtyldy.
«Aq jol» dempartııasy aldaǵy ýaqytta da Parlamentte júıeli problemalardy Úkimet aldynda kóteretin bolady», - dep sendirdi respýblıkalyq shtab músheleri.
Materıaldyń aqysy «Aq jol» demokratııalyq partııasynyń saılaý qorynan tólendi.
