Bıylǵy jyldyń 23 aqpanynda Azat Perýashev bastaǵan «Aq jol» dempartııasynyń respýblıkalyq shtaby 60-tan astam kólik kompanııasynyń ókilderimen kezdesý ótkizdi.
Dempartııa lıderi partııanyń saıası baǵdarlamasyn tanystyryp, baǵdarlamanyń tolyq mátinimen plakattardaǵy QR kodty skanerleý arqyly tanysýǵa bolatynyn aıtty. Jemqorlyqqa qarsy kúres pen áleýmettik ádilettilikke qatysty tarmaqtarǵa kásipkerler úlken qyzyǵýshylyq tanytty.
«Aq jol» partııasy kásipkerler partııasy retinde uzaq jyldar boıy jeke kásipkerlikti qoldaý saıasatyn júrgizip keledi. Bul degenimiz memleketten eshteńe suramaı, jumys oryndaryn ashyp, salyq tólep otyrǵan adamdardy qoldaý. Bul biz úshin eń mańyzdy másele. Sebebi, eshkimge qaryzy joq, ózin-ózi qalyptastyrǵan adamdar ǵana sheneýnikterge bas ımeı, erkindikti talap ete alady. Adal básekelestik úshin kúresedi. Olar demokratııanyń, naryqtyq ekonomıkanyń kepili. Qazaqstannyń bolashaǵy dál osy áleýmettik topqa baılanysty dep esepteımiz. Erkin, demokratııalyq memleket qurǵymyz kelse, erkin, tabysty adamdardy qoldaýymyz kerek. Al bular ózin-ózi jasaǵan adamdar», – dep bastady sózin Azat Perýashev.
Ashyq áńgime barysynda Qazaqstan-Qytaı shekarasyndaǵy elektrondy kezektiń ózekti máseleleri, atap aıtqanda, sybaılas jemqorlyq, kirý úshin kútý ýaqytynyń ulǵaıýy, tasymaldaýǵa qatysy joq kásiporyndardyń elektrondy kezektegi oryndarynyń rezervi týraly aıtyldy. QTJ Fast Road jobasy boıynsha júk tasymaldaý kezegin qamtamasyz etýdegi ashyqtyqtyń joqtyǵy, qazaqstandyq tasymaldaýshylarǵa sheteldik ruqsat blankilerin berý problemalary týraly faktiler keltirildi. Shekarada tıelgen kólikterdiń toqtap qalýyna sebep bolǵan saıası problemalar da nazardan tys qalmady (Polsha-Belarýs shekarasynyń jabylýy, Lıtva tarapynyń ShRB berýden bas tartýy).
«5 kóligim Qorǵasta elektrondy kezekte turdy. Meniń kelisimimsiz kezegim joıyldy. Mundaı qadamǵa barǵan adamdardyń zańsyz áreketterine eshkim jaýap bermeıdi. Olar kezekti joıýmen qatar, nómirlerdi de tartyp aldy. Saldarynan qarapaıym halyq zardap shegýde. Qazir bizdiń qazaqstandyq kólikterdiń bárin alyp tastady, tek Belarýs kólikteri ótýde. Jolymyzdy bógemekshi. Men eksportpen turmyn, kúnine 100 dollar aıyppul jazylýda. Men kólikti 20 kúnge qoıyp tastaı almaımyn, tek bir kólik úshin 1 mıllıon tóleýim kerek. Meniń 5 kóligim bar jáne árqaısysyna aıyppul jazylýda. Moınymda kredıtter men anasyz ósip jatqan eki ulym bar. Men jalǵyzbasty ákemin. Olardy kim asyraıdy? Eger memleketten járdemaqy ne áleýmettik kómek surasaq: «Sap-saý adamsyń, nege jumys istemeısiń?» deıdi, al jumys isteı bastasam, jolymyzdy bógeıdi. Biz memleket tarapynan ádildikti talap etemiz. 77 kólik zańsyz tirkelgen. Buǵan kim jaýap beredi?», - dedi jeke kásipkerlerdiń biri.
Sóz alǵan onnan astam kásipker Indýstrııa mınıstrliginiń saıasatyn qatań synǵa alyp, ShOB-taǵy otandyq júk tasymaldaýshylardyń quqyǵyn iri belarýstik jáne reseılik kompanııalar paıdasyna jyǵyp bergenin aıtty. Usynystyń biri qazaqstandyq júk kólikteri men basqa memleketterden keletin júk kólikteriniń ótýine 50/50 qatynasyn ornatý týraly boldy. Sondaı-aq «Baqty», «Dostyq» jáne «Qorǵas» baqylaý-ótkizý beketterindegi bopsalaýdyń naqty mysaldary keltirildi, jalpy tártipti aınalyp ótip, elektrondy kezekti jyljytýdyń aqysy qansha ekeni de aıtyldy: «Buryn bárin BN basqarady, sondyqtan eshteńe isteı almaısyńdar dep aıtatyn. BN-di baıaǵyda alyp tastaǵan, biraq eshteńe ózgergen joq». Tez buzylatyn jáne ósimdik ónimderin tasymaldaýshylar fıtosanıtarlyq sertıfıkatqa qatysty máselelerdi kóterdi; eksporttyq ónimderdi tasymaldaýshylar kedende aptalap toqtap turatyndyqtaryn jáne jetkizý merziminiń buzylatynyn jáne t.b. máseleler týraly aıtty.
Kásiporyn basshylarynyń arasynda «Aq jol» dempartııasynyń músheleri bar bolyp shyqty, olar óz partııasyna qoldaý bildirip, Azat Perýashevqa Indýstrııa mınıstrligi men quqyq qorǵaý organdarynyń basshylyǵymen aǵymdaǵy jaǵdaıdy talqylaýdy úshin tikeleı kezdesý uıymdastyrýdy surady. Olardyń keıbireýleri osy saılaýǵa úmitker retinde qatysýda, mysaly, Almaty qalasy máslıhatynyń depýtattyǵyna usynylǵan Oksana Sorokına.
Sondaı-aq, zalda kólik tasymaldaýshylarynyń quqyqtaryn qorǵaıtyn advokattar toby otyrdy. Olar kezekti retteýde jáne jalpy salada jemqorlyqtyń bar ekenin jetkizdi.
A.Perýashev parlamentte «Aq jol» frakııasy qurylǵannan keıin halyqaralyq kólik tasymaly máselesi úkimet jáne atalǵan mınıstrlikpen talqylanatyn alǵashqy taqyryp bolatynyna ýáde berdi.
Shaǵyn jáne orta kólik kompanııalarynyń úlken toby «Aq jol» partııasyna kiretindikterin jarııalady.
Materıaldyń aqysy «Aq jol» demokratııalyq partııasynyń saılaý qorynan tólendi.
