«Aq jol» demokratiialyq partiiasynyŋ respublikalyq ştaby müşelerı Almaty qalasynyŋ eŋbek ūjymdarymen kezdesuın jalǧastyruda.
Sailaualdy ügıt-nasihat aiasynda Azat Peruaşev pen Qazybek İsa «Aq jol» dempartiiasy atynan Mäjılıs pen Maslihat deputattyǧyna ümıtker almatylyq kandidattarmen bırge «Maslodel» zauytynyŋ jäne Mikroqarjy ūiymdary qauymdastyǧynyŋ ūjymdarymen kezdestı.
.jpeg)
«Aq jol» demokratiialyq partiiasynyŋ jūmysy men bastamalary turaly kompaniia menedjmentı de, qyzmetkerlerı de bıletını quantady. Tek biznestıŋ ǧana emes, köptegen jūmysşylardyŋ da nesielerı bar. Köbısı Ūlttyq banktıŋ bazalyq mölşerlemesı, qajet bolǧan jaǧdaida nesienıŋ paiyzdyq mölşerlemesın tömendetu jönındegı ūstanymymyzdy qoldaidy.
«Aq jol» dempartiiasy «Maslodel» kompaniiasyna tehnikalyq retteu salasyndaǧy zaŋdy müddelerın qorǧauǧa kömektesken.
Öŋdeuşıler memlekettık organdar olarǧa auyl şaruaşylyǧy şikızaty men ingredientterdıŋ otandyq öndırısın qūruǧa kömektesuı kerek dep esepteidı, olardyŋ basym bölıgı basqa elderden importtalǧanmen, tūraqty jäne boljamdy subsidiialau saiasaty jaǧdaiynda Qazaqstanda da ösıruge mümkındık bar. Öndıruşıler sauda jelılerınıŋ jūmysynda otandyq tauarlarǧa artyqşylyq berudı talap etedı.
Bügıngı taŋda ırı sauda ortalyqtarymen bäsekege tüse almaityn, bıraq halyqqa qoljetımdı ärı yŋǧailyly bolyp tūrǧan «üi janyndaǧy dükenderdıŋ» jūmysyn üilestıru de öz aldyna bölek mäsele.
Ştab müşelerı «Aq jol» dempartiiasynyŋ saiasi baǧdarlamasyn tanystyrdy. Ädıl bäsekelestık, şaǧyn biznestıŋ salyq eseptılıgın patentke auystyru, jeke tūlǧalardyŋ bankrottyǧy turaly zaŋ jäne t.b. tarmaqtary jinalǧan qauymnyŋ ülken qyzyǧuşylyǧyn tudyrdy.
«Bız zaŋ şyǧaru jūmysymyzda, deputattyq saualdarda köteretın ūsynystarymyzda ärdaiym naryqtyq ekonomika ūstanymdaryn tolyqqandy jüzege asyrudy talap etemız. Ökınışke orai, elde naryqtyq emes ekonomika qalyptasqanyn körıp otyrmyz. Bızde oligopoliiaǧa tiımdı bolǧanymen, bar auyrtpalyǧy ŞOB pen halyqtyŋ moinyna jükteletın memlekettık-monopoliialyq kapitalizm qalyptasqan. Memlekettıŋ ekonomikaǧa aralasuy ädıl ärı adal bäsekelestıktı joidy. Jäne būl jaǧdaida biudjetten qarjylandyrylsa da, memlekettık holdingter men ūlttyq kompaniialardan biudjetke kırıs tüspeidı.
Q.Toqaev 2020 jyly pandemiia şaryqtap tūrǧan kezde memlekettıŋ äleumettık mındettemelerın oryndau üşın ūlttyq kompaniialardyŋ kırısınıŋ 100 paiyzyn biudjetke audarudy tapsyrdy. Prezidenttıŋ tapsyrmasynan keiın ūlttyq kompaniialar biudjetke qanşa aqşa audarǧanyn bılesızder me? 16 paiyz! Al, kvazimemlekettık sektor JIÖ-nıŋ, iaǧni tūtas ūlttyq ekonomikanyŋ jartysyna juyǧyn qūraidy.
Al Parlament biudjettı qaraǧan kezde ekonomikanyŋ osy bölıgınıŋ kırısın körmeidı. Sondyqtan, Prezident Konstitusiialyq reforma aiasynda bızge «küştı Prezident – yqpaldy Parlament – esep beretın Ükımet» atty jaŋa jüie qajet ekenın aitty, şyn mänınde būl reforma tolyq jüzege asyrylǧan joq, qasaqana sabotaj jasaluda», - dedı partiia jetekşısı.
.jpeg)
.jpeg)
Azat Peruaşev 2022 jyldyŋ tamyz aiynda Q.Toqaevtyŋ konstitusiialyq reformasyn damytu aiasynda «Aq jol» fraksiiasy osy reformany jüzege asyru üşın türlı zaŋdarǧa 62 tüzetu ūsynǧanyn eske saldy. Bıraq parlamenttık köpşılık būl tüzetulerge qarsy dauys berdı.
«Ükımet jäne bilık partiiasymen ūdaiy daulasu «Aq jol» fraksiiasy üşın üirenşıktı täjıribege ainaldy», - dedı Azat Peruaşev.
Sondai-aq, partiia liderı ekonomikanyŋ basym sektorlary üşın QQS jäne ŪTS saralanǧan mölşerlemelerıne, şaǧyn käsıpkerlık üşın patent ölşemderın keŋeituge toqtaldy. Sūraqtarǧa jauap berdı.
Ol mikroqarjy ūiymdaryna jeke tūlǧalardyŋ depozitterın qabyldauǧa rūqsat beru turaly zaldan qoiylǧan ūsynysty bölek jäne egjei-tegjeilı talqylaudy ūsyndy.
Sondai-aq, qazırgı kümändı shemalardyŋ ornyna saqtandyru medisinasyn naqty engızu; sailau kezınde beinebaqylaudy engızu jäne t.b. mäseleler talqylandy.
«Aq jol» partiiasy mazmūndy jūmys ısteuge tyrysady. Bır mäselenı qolǧa alsaq, onyŋ jüzege asuyna talai jyldar ketse de, soŋyna deiın jetkızemız. Saralanǧan salyq mölşerlemelerı, Qylmystyq kodeksten jalǧan käsıpkerlık baptaryn alyp tastau, jeke tūlǧalardyŋ bankrottyǧy turaly zaŋ, äkımderdıŋ bilık partiiasynyŋ filialdaryn basqaruyna tyiym salu jäne t.b. mäseleler osyǧan naqty mysal bola alady.
«Ökınışke orai, anyq närsenı däleldeu üşın keide 3-4 jyl, keide, tıptı, 10 jyl uaqyt ketedı. Bıraq bız öz jūmysymyzdy atqarudamyz, keiıngı jyldary Mäjılıs pen mäslihattaǧy ärıptesterımnıŋ käsıbilıgınıŋ, bılıktılıgınıŋ jäne tabandylyǧynyŋ arqasynda öz degenımızdı oryndatyp ta jürmız. Sol üşın men olarǧa erekşe alǧys aitamyn», - dedı Azat Peruaşev.
Ol jinalǧan qauymdy nauryzdyŋ 19-y künı «eŋ bolmaǧanda bos biulletenderdı toltyryp, sailaudy būrmalamaulary üşın» sailau uchaskelerıne kelıp, öz taŋdauyn jasauǧa şaqyrdy. «Aq jol» dempartiiasyna dauys beru eŋ dūrys taŋdau bolady.
Materialdyŋ aqysy «Aq jol» demokratiialyq partiiasynyŋ sailau qorynan tölendı.
