Tasmaǵambetov pen Lavrov kezdesti

2453
Adyrna.kz Telegram

UQShU Bas hatshysy Imanǵalı Tasmaǵambetov TMD, UQShU, EAEO-ǵa múshe memleketterdiń atqarýshy qurylymdarynyń basshylarymen kezdesti, dep habarlaıdy «Adyrna» tilshisi.

Otyrysqa Reseıdiń syrtqy ister mınıstri Sergeı Lavrov, TMD-nyń Bas hatshysy Sergeı Lebedev, Eýrazııalyq ekonomıkalyq komıssııa Alqasynyń Tóraǵasy Mıhaıl Mıasnıkovıch, Belarýs jáne Reseı odaqtyq memleketiniń Memlekettik hatshysy Dmıtrıı Mezenev qatysty.

Taraptar atalǵan birlestikterdiń 2022 jylǵy qyzmetiniń nátıjelerin jáne aldaǵy ýaqytta júzege asatyn yntymaqtastyq perspektıvalaryn talqylady.

«Ózekti halyqaralyq jáne óńirlik máseleler boıynsha pikir almasý boldy. Eýrazııalyq aımaqtaǵy ıntegraııalyq úderisterdi konıýgaııalaý, qaıtalanatyn jáne birin-biri tolyqtyratyn quzyretter salalarynda tyǵyz uıymaralyq baılanystardy ornatý máselelerine erekshe nazar aýdaryldy»,—delingen habarlamada.

Sergeı Lavrov pen Imanǵalı Tasmaǵambetovtiń jeke kezdesýinde Uıym qyzmetiniń ózekti aspektileri, onyń ishinde Belarýs eliniń tóraǵalyǵymen 2023 jyly ótetin osy qurylymnyń jarǵylyq organdarynyń otyrystaryna daıyndyq barysy qaraldy. Mınıstr reseılik taraptyń Imanǵalı Tasmaǵambetovke UQShU Bas hatshysy retindegi qyzmetine jan-jaqty qoldaý kórsetýge daıyn ekenin atap ótti.

Pikirler