Búgin Almaty oblysy Qarasaı aýdany Abaı aýylynda M.Ǵabdýllın atyndaǵy orta mektepte respýblıkalyq «Jas ǵabdýllınshilder» klýbyna jańa múshelerdi qabyldaý rásimi ótti. "Jas ǵabdýllınshilder" klýby 2016 jyldan beri sátti júzege asyrylyp keledi.
Osy ýaqyt aralyǵynda klýb músheligine Almaty, Jambyl, Túrkistan oblystarynan, Aqtóbe, Kókshetaý qalalarynan jáne Batyrdyń týǵan jeri Zerendi aýdanynan barlyǵy 300-ge jýyq oqýshy qabyldandy.
Mýzeı qyzmetkerleri "Batyrym - Málik berenim, júırigim ozǵan órenim" ashyq tárbıe saǵaty men "Sóz mergeni" debat klýbyna qatysyp, "Málik ǵıbraty" atty is-shara aıasynda klýb músheligine ótetin oqýshylarǵa saltanatty túrde ant qabyldatyp, arnaıy kýálikter men tósbelgiler tabystady.
Sondaı-aq, kópshilik qaýymǵa Málik Ǵabdýllınniń ómiri men shyǵarmashylyǵynan syr shertetin "Ǵajaıyp ómir baspaldaqtary" jyljymaly kórmesi tanystyryldy.
“Adyrna” ulttyq portaly
