Belgili prodıýser Baıan Maqsatqyzy professor dárejesin aldy. Bul týraly prodıýserdiń ózi áleýmettik jelidegi paraqshasynda jazdy, dep habarlaıdy Sputnik.
"Asa qurmetti, Baıan Maqsatqyzy! Respýblıkalyq jeńil ónerkásip zertteý ınstıtýty ǵylymı keńestiń sheshimimen sizge "Menedjment professory" dárejesin berýdi uıǵardy. Dıplomdy ázirleý úshin qajetti qujattar tizimin jiberip otyrmyz. Instıtýttyń bas dırektory, professor Murat Myńbaev", — dep jazylǵan prodıýser bólisken sýrette.
Atalǵan sýret Whats App jelisine kelgen habarlamanyń skrınshoty bolsa kerek. Baıan Alagózova óz kezeginde qýanyshty ekenin jetkizdi. Al jeli qoldanýshylarynyń pikiri ekige aıyryldy. Biri qýanyshty ekenin jazyp, quttyqtasa, ekinshisi prodıýserdiń mundaı dárejege laıyq emestigin alǵa tartty.
"Baıan Maqsatqyzy, jaraısyń! Alǵa", "Adamǵa beldemshesi jarasyp tursa, onyń uzyndyǵynyń mańyzy qandaı? Mundaı adamdar professor bolmaıdy degen ereje bar ma?", "Quttyqtaımyn! Siz laıyqsyz!", "Buǵan tańǵalyp, tipti, ornymnan tura almaı otyrmyn" dep jazdy jeli qoldanýshylary.
