Brakonerler polıeılerdiń qolastynda jumys istegen

1743
Adyrna.kz Telegram

Atyraý men Mańǵystaý oblystarynda balyq ınspekııasy men polıııa qyzmetkerleriniń qolastynda jumys istegen qylmystyq toptardyń áreketteri áshkerelendi, - dep habarlaıdy Tengrinews.kz tilshisi.

Bas prokýratýrada zańsyz ańshylyqqa qarsy is-qımyldyń tıimdi sharalaryn ázirleý máselesi boıynsha vedomstvoaralyq jınalys ótti. Oǵan aýyl sharýashylyǵy, ishki ister, qarjy mınıstrlikteriniń, UQK Shekara qyzmetiniń jáne Sybaılas jemqorlyqqa qarsy is-qımyl jónindegi ulttyq bıýronyń jaýapty tulǵalary qatysty. Qyzmet boryshy boıynsha janýarlar álemin saqtaýǵa mindetti ýákiletti jáne quqyq qorǵaý organdary qyzmetkerleriniń qylmys jasaý faktileri de beleń alǵany talqylandy. Tabıǵat qorǵaý ınspektorlaryn qorǵaýdy qamtamasyz etý jáne quqyqtyq mártebesin bekitý máselesi de qozǵaldy. Osyǵan oraı qarastyrylyp otyrǵan saladaǵy ahýaldy jaqsartý jóninde birqatar usynymdar ázirlendi. Jınalystyń nátıjesi boıynsha brakonerlerdiń áreketteriniń jolyn kesýge, bıorestýrstardy zańsyz satyp alýǵa, tasymaldaýǵa jáne onyń  eksportyna jol bermeýge baǵyttalǵan birlesken is-sharalar jospary ázirlendi.

Sońǵy jyldary elimizde sırek kezdesetin jáne joıylyp bara jatqan janýarlarǵa zańsyz ańshylyq  jasaý oqıǵalary jıilep ketkeni atap ótildi. 3 jylda osyndaı qylmystyq áreketterdiń saldarynan tabıǵatqa keltirilgen zalal mólsheri - 3,6 mıllıard teńge. Kıikterdi atý faktileriniń sany ósip jatyr. Tek 2016-2018 jyldardyń ózinde 3 myńǵa jýyq kıik atylǵan. Brakonerlerdiń qylmystyq áreketi uıymdasqan túrde jáne turaqty sıpat alýda. Buǵan Qaraǵandy oblysyndaǵy "Ohotzooprom" RMK ınspektorynyń qaza bolýyna baılanysty oqıǵa dálel. Osyǵan uqsas oqıǵalar bekire tuqymdas balyqtardy aýlaýǵa baılanysty da oryn alyp otyr. 2018 jyly zańsyz aınalymnan 8 myń kelige jýyq bekire alyndy, alaıda kóbisi kóleńkede qalyp otyr. Keńeste quqyq qorǵaý jáne tabıǵat qorǵaý organdarynyń áreketteri tıimsiz ekeni jáne zańsyz ań aýlaýǵa qarsy kúreste keshendi sharalar ázirleýdi talap etetini atap ótildi.

Pikirler