Núkis oqıǵasy boıynsha sottalǵan Polat Shamshetov qaıtys boldy. Bul týraly gazeta.uz basylymy habarlady, dep jazady "Adyrna" ulttyq portaly.
Qaraqalpaqstan IIM Qylmystyq Izdestirý bóliminiń burynǵy bastyǵy, Qaraqalpaqstannyń Tuńǵysh jáne jalǵyz prezıdenti Dáýletbaı Shamshetovtyń uly Polat Shamshetov 4 aqpanda júrek talmasynan qaıtys boldy.
Polat Shamshetov 45 jasta edi. Ol ótken jyldyń shildesinde Qaraqalpaqstandaǵy tolqýlardan keıin birneshe aı túrmede otyrdy. Derekkózderdiń habarlaýynsha, jerleý rásimi dúısenbige josparlanǵan.
2022 jyldyń 2 shildesinde oǵan " adamdardy jappaı tártipsizdikke qatystyrdy jáne ózi de belsendi qatysty» degen aıyp taǵyldy.
Sot otyrysynda ol tártipsizdik bolǵan kúni kóshede "ne bolyp jatqanyn óz kózimmen kórgim keldi, sondyqtan shyqtym" dep málimdedi.
Buǵan qaramastan 31 qańtarda sot Polat Shamshetovti jappaı tártipsizdikterge qatysqany úshin Qylmystyq kodekstiń 244-babynyń 3-bóligi boıynsha kináli dep taýyp, ony 6 jylǵa bas bostandyǵynan aıyrdy.
"Adyrna" ulttyq portaly
