Qazaqstan jeńil atletıka federaııasy Kenııa eliniń bes adamyna "sporttyq azamattyq" rásimdeý sharasyn bastap ketti, - dep habarlaıdy Vesti.kz tilshisi.
Uıym ókilderiniń aıtýynsha, tórt sportshy - Nora Djerýto, Karolın Kıpkırýı, Deızı Djepkımeı, Shedrak Koech jáne olardyń bapkeri Kennet Kepıego Rotıch 2018 jyly jeltoqsanda Qazaqstan azamattyǵyn aldy.
2019 jyldan bastap atletter Shyǵys Qazaqstan oblysy quramasynyń atynan óner kórsetetin bolady. "Sonymen qatar, olar "Altaı Atletıks" klýbynyń músheleri. Qazirgi ýaqytta federaııa "sporttyq azamattyqty" rásimdeý sharalaryn bastap ketti. Olardy Halyqaralyq jeńil atletıka federaııasy (IAAF) óz erejelerine saı tirkeıtin bolady. IAAF reıtıngine sáıkes qazirgi ýaqytta Nora Djerýto 3000 metrge kedergilermen júgirý boıynsha ekinshi orynda tur, al Karolın Kıpkırýı - bes myń metrge júgirýden segizinshi orynda, on shaqyrymǵa júgirýden birinshi oryn, úsh myń metrge júgirýden ekinshi orynda. Óz kezeginde Deızı Djepkımeı úsh myń metrge júgirýden onynshy orynda", - delingen federaııanyń resmı jaýabynda.
Jeńil atletıkada sońǵy ótken Qazaqstan birinshiliginde ShQO atynan bes kenııalyq sportshy óner kórsetti. Elimizdiń bas bapkeri Grıgorıı Egorov atletterdiń qazaqstandyq azamattyǵyn alǵanyn rastady. Alaıda mán-jaıymen bólisýden bas tartty. Aıta keteıik, Rotıch "Altaı Atletıks" klýbynda bapker-menedjer qyzmetin atqarady.
