Belgili jazýshy, qoǵam qaıratkeri Kámel Júnistegi ómirden ozdy. Qaraly qabardy Pavlodar oblystyq máslıhatynyń depýtaty Jarqynbek Amantaıuly jetkizdi, dep habarlaıdy «Adyrna» tilshisi.
«Otarshyl júıemen jastaıynan arpalysyp ótken qazaqtyń qaısar qalamgeri Kámel Júnistegi aǵamyz da kelmestiń kemesine minipti. Ertis-Baıan óńirinde marqum Arman Qanı, Qaırýlla Qajenov, Rahmethan Nurbasarov bastaǵan aǵalarymyz qurǵan “Jas ulan” uıymynyń 50 jyldyǵynda júzdesip, tanysqan edik. Birneshe kún keleli áńgime quryp, qazynasyna qynyqqan bolatynbyz. Odan keıin de jıi habarlasyp júrdik.
“Jarqynbek, poezııa kórkem qubylys qoı. Biraq bul óńirde jazylýy tıis dúnıe kóp. Mıssııa kóp. Sondyqtan, prozaǵa túsý kerek saǵan. Proza - keń, aýqymdy»,— dep habarlasqan saıyn aqyl aıtatyn.
Aǵamyzdyń bolmysy bólek edi ǵoı. Qatty syrqat aqyry jeńgen eken. Ertis-Baıan óńiriniń qalamger qaýymy atynan qaıǵyryp kóńil aıtamyz. Baqul bolyńyz jaqsy aǵa, baqul bolyńyz, Alashtyń “ aqyryp teńdik suraǵan” arystan uly!»—dedi ol.
«Adyrna» ulttyq portaly marqumnyń týystary men jaqyndaryna kóńil aıtady.
