Biyl qazaq tarihyndaǧy aituly oqiǧalardyŋ bırı – Orbūlaq şaiqasynyŋ 375 jyldyǧy. «Alaş praid» kluby kezektı MMA turnirın Taldyqorǧan qalasynda ötkızıp, oǧan «Orbūlaq şaiqasy» degen at berdı. Jarystan keiın klubtyŋ prezidentı Daniiar Qasqarauov myrzamen äŋgımelesken edık.
Jasūlan Nauryzälı: Daniiar myrza, «Orbūlaq şaiqasy» turnirı jyldy qorytyndylaityn jarys bolǧany belgılı. Ūiymdastyru kezınde qandai da bır qiyndyqtar boldy ma?
Daniiar Qasqarauov: Jalpy, biylǧy jyly jeke jäne bırlesken jarystardy qosqanda Şymkent, Almaty, Astana, Taraz, Qapşaǧai jäne Taldyqoǧan qalalarynda alty turnir ötkızdık. Mūny jaqsy körsetkış dep aituǧa tolyq negız bar dep esepteimın. Qorytyndy jarysymyz qaraşa aiynda Almatydaǧy «Almaty-Arenada» ötuı kerek bolǧan. Amerikadan, Braziliiadan aldyratyn sportşylardy şaqyrtu qomaqty qarajatty talap ettı. Osylardyŋ barlyǧyna sponsorlar tabu qiynǧa soqty.
Söitıp jürgende qaraşaǧa belgılengen turnirdıŋ oryndaluy sozylyp-sozylyp jeltoqsanǧa kelıp tıreldı. Bıraq osy josparmen jürıp jatqan kezde «Titan FC 51» turnirı bolatynyn estıp, Ardaq Nazarov bauyrymyzǧa kedergı jasamaiyq dep, Taldyqorǧanda ötkızuge şeşım qabyldadyq. Soǧan qaramastan MMA turnirıne reitingı joǧary sportşylar kelıp, jarystyŋ joǧary deŋgeide ötuıne septıgın tigızdı.
Jasūlan Nauryzälı: Endı jekpe-jekterge toqtalsaq. Basty bäseke qazaqstandyq Ermek Tlauov pen reseilık Äbdımütälıp Qaiyrbekov (Abdumutalib Gaiyrbekov) arasynda öttı. Alǧaşqyda qazaq jıgıtı özıne tym senımdı körıngendei bolyp edı, rauynd ötken saiyn qatelesuge mäjbür bolǧan siiaqty. Jeŋıluıne türtkı bolǧan basqa da sebepter bar ma?
Daniiar Qasqarauov: Ermek Tlauovtyŋ qarsylasyn jäidan-jäi alyp kelgen joqpyz. Ataǧy men rekordyna nazar audardyq. Daǧystannyŋ Mahachkalasyndaǧy «Ştorm» komandasynda jattyǧady. ABC, FIGHT NIGNT, WLF turnirlerınıŋ jeŋımpazy. Äuesqoilar arasynda MMA-den Resei jäne Älem chempiony. Ermek te osal jıgıt emes. Grek-rim küresınen sport şeberlıgıne ümıtker, greplingten ARLAN GRIP turnirınıŋ jeŋımpazy, 2014 jylǧy FIGHT NIGHTN, AVS turnirlerınıŋ jeŋımpazy, TESN KREER jeımpazy (Krasnodar, 2015), Alash praide & APRP turnirınıŋ chempiony. MMA turnirındegı 19 qarsylasynyŋ 15-ın jeŋgen.
Jasūlan Nauryzälı: Demek, «Alaş praid» kluby jekpe-jekke şyǧatyn sportşylardyŋ deŋgeiıne män beretın bolyp tūr ǧoi?
Daniiar Qasqarauov: İä, bızdıŋ klubtyŋ basty artyqşylyǧy osynda dep bılemın. Jarystardy ūiymdastyryp jürgenımızge 8 jyl boldy. Syrttan osal sportşy şaqyryp, jıgıtterge sabatyp qoiu – namysymyzǧa syn. Mūndai jaǧdai janküierlerdı bylai qoiǧanda, özımızdı-özımız aldaǧanmen bırdei. «Orbūlaq şaiqasy» osyǧan mysal bola alady. Jarysty qanşama adam körıp otyr, teledidardan da tamaşalap otyrǧandar bar. Sondyqtan jarystyŋ ädıl ötuın qadaǧalap, şetelden de töreşıler şaqyrttyq.
Ermek pen Äbdımütälıptıŋ jekpe-jegıne keler bolsaq – Ermek taktikalyq tūrǧyda qatelık jıberdı. Sız aitqandai özıne tym senımdı boldy. Uaqyttyŋ azdyǧy da jeŋıluıne sebepşı boldy. (barlyq jekpe-jek 3 raundtan öttı)
Jasūlan Nauryzälı: «Obūlaq şaiqasyndaǧy» özınıŋ erekşelıgımen közge tüsken sportşy dep kımderdı ataisyz?
Daniiar Qasqarauov: 66,2 kg Taksim Zabitov şeşenstandyq qarsylasy Said-Selım Mataevty ūtty. Taksim biylǧy jekpe-jekterınıŋ barlyǧynda jeŋıske jettı. Jeŋıl salmaqtaǧy (56,7 kg) Baqtiiar Nesıpbektı de aituǧa bolady. Ol negızınen ekı aiaqta jürıp (stoikada) töbelesudıŋ şeberı. Osy joly Özbekstandyq Holdarovty parterde (edende jatyp) auyrtu täsılın jasap közge tüstı. Holdarovtyŋ parterde myqtylyǧyn bıletınbız. Onyŋ aldyn orap ketkenıne qarap, Baqtiiardy bolaşaǧynan zor ümıt küttıretın, aldyna maqsat qoia bıletın sportşy dep aita alam.
Jasūlan Nauryzälı: Keide quanyşpen qatar «ättegen-ailar» da bolyp jatady. Osylarǧa toqtalyp ketseŋız...
Daniiar Qasqarauov: Artiom Reznikov, Jūman Jūmabekov, Denis Musinek, Taksim Zabitov, Ermek Tlauov. Osy atalǧan bes saqa sportşynyŋ (topovoi boisov) – üşeuı ūtylyp qaldy. Jūman Jūmabekov Magomet Äbdırahimovtyŋ tepkısıne qorǧanys qoiamyn dep qolyn syndyryp aldy. Qoly synǧanyn üşınşı rauyntta ǧana bılıp, jekpe-jektı toqtattyq. Denis Musynek Qūştarbek Älıbeūlyn (Qyrǧyzstan) bırınşı raundta moinynan qylǧyndyramyn dep jürıp, küşın sarqyp aldy. Ermektıŋ jaiyn joǧaryda aittyq.
Jasūlan Nauryzälı: Alda qandai josparlar bar?
Daniiar Qasqarauov: Jarysystardy köptep ötkızıp, Asu Älımbaev, Baqtiiar Nesıpbek sekıldı talantty jıgıtterdı älemdık arenaǧa şyǧaru. Juyq arada Evgenii Egemberdiev Groznyi qalasyna ASA 91 turnirıne barǧaly jatyr.
Äŋgımeŋızge rahmet!
Äŋgımelesken Jasūlan Nauryzälı
«Adyrna» ūlttyq portaly
