Nazarbaevtyń jaqyndaryna tıesili jerler zańbuzýshylyq anyqtalǵan jaǵdaıda memleketke qaıtaryla ma? Bul suraqqa aýyl sharýashylyǵy mınıstri Erbol Qarashókeev jaýap berdi, dep habarlaıdy “Adyrna” ulttyq portaly.
Aıta keteıik, ótken aptada parlament "Tuńǵysh prezıdent – Elbasy týraly" Konstıtýııalyq zańnyń kúshin joıý týraly" Konstıtýııalyq zańdy qabyldady. Oǵan sáıkes, Nazarbaevtyń otbasy músheleri barlyq kepildikten aıyrylady.
Úkimet kýlýarynda jýrnalıster Qarashókeevten “zań kúshine engennen keıin Nazarbaevtyń otbasy múshelerine tıesili jerler eger zańbuzýshylyq anyqtalsa, memleketke qaıtaryla ma?”, dep surady.
"Qandaı famılııa bolmasyn, kim bolmasyn, bizge ol áser etpeıdi. Biz barlyq jerdi tekseremiz. Jerdi tıimsiz paıdalaný faktileri, jerdi zańbuzýshylyqpen berý faktileri anyqtalsa, árıne, mindetti túrde ol jerdi tekserip, elge qaıtaramyz", - dedi Qarashókeev.
Eske salaıyq, aýyl sharýashylyǵy mınıstrligi byltyr 5 mln gektar jerdi memleketke qaıtardy.
