Men ony alǵashynda baıqaǵan da, bilgen de emespin. Óıtkeni men ol kezde bala edim. Kórshi - qolań, ákemniń ne istegenine kóp kóz salatynmyn. Aqyl, sana, kúshim jetkenshe qaıtalaýǵa tyrysatynmyn. Ásirese, ákemshe jótelsem el rıza bolyp kúletin edi. Qoldary bosaı qalǵan kezde «Jumadil ata qaıtedi», «Bátish apa qaıtedi», «Maqash aǵa ne istedi» dep surap alyp, meniń atalǵan jandardy aınytpaı salǵanymdy kórip, kóp tańdanysatyn. Ákem uzaq qarap otyryp: «Osy ártis bolar ma eken» deıtin.
Biraq bir kúni men kóleńkemdi kórdim de, qorqyp jylap jiberdim. Jazdyń jaıdary shýaqty bir kúni qasymnan paıda bolǵan kóleńkem men neni istesem de dál qaıtalar. Ol tym qorqynyshty bolatyn. Men basynda odan qutylmaq nıet etip jan sala júgirdim. Ol qalmady. Otyrsam otyryp, tursam turyp, jatsam jatatyn edi. Tek menen ereksheligi qara, ári únsiz. Keshke jatqanda endi seni kórmespin-aq desem de, tańerteń birge júredi. Ári onyń ashyq kúni ǵana ilesetinine tań qaldym. Ol bultty, jańbyrly kúnderi ǵaıyp bolatyn da, men elden jyraq, bólek oınaıtynmyn. Osylaı kóńildi baladan tunjyr, tuıyq balaǵa aınalyp kettim. Tek mektepke barǵan kezde ǵana ony kóp balalar kóleńkesi ishinde joǵaltyp aldym. Sabaq, oıyn, úıdegi jumys bári birigip kelip, ony umyttyryp jiberdi.
Men ony alǵashynda baıqaǵan da, bilgen de emespin. Óıtkeni men ol kezde bala edim. Kórshi - qolań, ákemniń ne istegenine kóp kóz salatynmyn. Aqyl, sana, kúshim jetkenshe qaıtalaýǵa tyrysatynmyn. Ásirese, ákemshe jótelsem el rıza bolyp kúletin edi. Qoldary bosaı qalǵan kezde «Jumadil ata qaıtedi», «Bátish apa qaıtedi», «Maqash aǵa ne istedi» dep surap alyp, meniń atalǵan jandardy aınytpaı salǵanymdy kórip, kóp tańdanysatyn. Ákem uzaq qarap otyryp: «Osy ártis bolar ma eken» deıtin.
Biraq bir kúni men kóleńkemdi kórdim de, qorqyp jylap jiberdim. Jazdyń jaıdary shýaqty bir kúni qasymnan paıda bolǵan kóleńkem men neni istesem de dál qaıtalar. Ol tym qorqynyshty bolatyn. Men basynda odan qutylmaq nıet etip jan sala júgirdim. Ol qalmady. Otyrsam otyryp, tursam turyp, jatsam jatatyn edi. Tek menen ereksheligi qara, ári únsiz. Keshke jatqanda endi seni kórmespin-aq desem de, tańerteń birge júredi. Ári onyń ashyq kúni ǵana ilesetinine tań qaldym. Ol bultty, jańbyrly kúnderi ǵaıyp bolatyn da, men elden jyraq, bólek oınaıtynmyn. Osylaı kóńildi baladan tunjyr, tuıyq balaǵa aınalyp kettim. Tek mektepke barǵan kezde ǵana ony kóp balalar kóleńkesi ishinde joǵaltyp aldym. Sabaq, oıyn, úıdegi jumys bári birigip kelip, ony umyttyryp jiberdi.
Tek mektep bitirgen kezde ǵana ony kórdim. Ol týra men sekildi uzyn, deneli symbatty bolypty. Ony myjyp tastaǵym keldi. Ádeıi sol úshin úıden shyqpaıtyn boldym. Eki ıyǵyna eki kisi mingendeı tolysqan nemeni kórgim kelmedi. Tek túnde qydyrýdy unattym, menen dostarymnyń bári bezindi. Ásirese, meni jaqsy kóretin synyptas qyzym tastap ketti. Shynyn aıtý kerek, men kúndiz qyzymmen qydyrýdy unatpaıtynmyn, úsheý bolyp júrgen kimge kerek.
Aıaǵynda búkil aýylda aralasatyn eshkim qalmaǵan soń, qalaǵa ketip oqýǵa tapsyrdym. Kóz maıymdy taýysqan kúnderdiń esesi qaıtyp, ońaı stýdent boldym. Qyzy kóp, qyzyǵy kóp shahar bárin umyttyrdy. Joǵary oqýdan soń, muǵalim bolyp, birden dırektorlyq qyzmetke aýystyryldym. Osy kezde ony joǵaltyp aldym. Óıtkeni meniń orynbasarlarym, jerlesterim, tanystarym ony kórsetpeıtin edi. Artyńda, aldyńda, janyńda solar turǵandyqtan bári umytyldy. Ras, bul meniń baqytty shaqtarym edi.
Tátti kúnder men dırektorlyqtan shyǵyp qalǵan soń úzildi. Bári ketip ekeýimiz ǵana qalyppyz. Ol eńkeıip, júdep ketken eken.
Men baqytty edim. Ol burynǵydaı júgire almaıtyn bolypty. Biz bir-birimizdi uzaq ańdydyq. Ýaqyt kóp, is joq edi. Tek sońǵy kúnderi onyń ketip qalatynyn baıqap edim. Ol ertkisi keletindeı, shaqyratyndaı. Men kóp qarsylastym. Qoımaǵan soń bar kúshimdi jınap erteletip úıden shyqtym. Ol meni ortalyq kóshemen qaladan asyp, shahar shetindegi qabirhanaǵa alyp keldi. Sodan soń batqan kúnmen birge joǵalyp ketti. Erteńinde meni qoıdy. «Ony da kómdi» dep oılaımyn, ıttiń balasyna sol kerek degen edim. Biraq ol ólmepti. Ol meniń ulymnyń artynda tur eken. Meniń aıǵaılaǵym keldi. Túk aıta almadym.
Serik Elikbaı
