Atyraýda Jaıyq ózeniniń beti oıylyp, er adam sýǵa batyp ketti. Bul týraly oblystyq TJD-nyń baspasóz qyzmeti aıtty, dep habarlaıdy «Adyrna» tilshisi.
Oqys oqıǵa 2022 jylǵy 4 jeltoqsanda Atyraý qalasynyń Jumysker aýyly tusynda bolǵan.
«Saǵat 21: 10-da Atyraý oblysy TJD Jedel-qutqarý jasaǵynyń súńgýirleriniń kúshimen sýǵa batyp ketken 1950 jyly týǵan er adamnyń denesi sýdan shyǵaryldy.
Sonymen qatar, kýágerlerdiń kúshimen onyń nemeresi qutqarylyp, balalar oblystyq aýrýhanasyna jetkizildi. Dárigerlerdiń tekserýinen keıin úıine jiberildi»,—dep túsindirdi vedomstvo.
Sý asty izdestirý jumystaryna Atyraý oblysy TJD jedel-qutqarý jasaǵynyń 3 súńgýiri men 1 tehnıkasy jumyldyryldy.
