Bügın Qaraǧandy qalasynda 3 jeltoqsan Mügedektıgı bar adamdardyŋ halyqaralyq künıne orai ötıp jatqan jiynda Aqparat jäne qoǧamdyq damu ministrı D.Qydyrälı osylai dedı.
«Atauly künnıŋ maqsaty – inkliuzivtı qoǧamdy damytu, mümkındıgı şekteulı jandardy qoǧamǧa teŋ qūqyly azamat retınde aralastyru. Memleket basşysy Qasym-Jomart Toqaevtyŋ inkliuzivtı, aşyq bäsekelestık ornyqqan jäne bärıne teŋ mümkındık berıletın Ädılettı Qazaqstandy qūru bastamasynyŋ basty ideiasy – Equality, iaǧni teŋdık dep oilaimyn» - dedı ministr.D.Qydyrälınıŋ sözınşe, būl tūrǧyda mügedektıgı bar adamdardy qoldauda jan-jaqty jūmystar jürgızılude. Mäselen, biyl Prezident "Qazaqstan Respublikasynyŋ keibır zaŋnamalyq aktılerıne mügedektıgı bar adamdardyŋ ömır süru sapasyn jaqsartu mäselelerı boiynşa özgerıster men tolyqtyrular engızu turaly" Zaŋǧa qol qoidy. Aqparat jäne qoǧamdyq damu ministrlıgı inkliuziia boiynşa bırqatar naqty jūmystar atqaryp jatyr. Mäselen ministrlık janynan Aqparatqa qol jetkızu mäselelerı jönındegı komissiia qūrylǧan. Ol aqparatqa qol jetkızude qoǧam müddesın eskeru üşın jūmys ısteidı. «Aşyq ükımet» portaldarynda naşar köretınderge arnalǧan bölıktıŋ dybystyq varianty ıske qosyldy.
«Mügedektıgı bar adamdardy qoldauǧa baǧyttalǧan 3 respublikalyq granttyq joba jüzege asyp jatsa, jyl saiyn halyqtyŋ äleumettık osal toptaryn qoldau salasynda ükımettık emes ūiymdar syilyqaqy iegerı atanady. Biyl osy saladaǧy 12 ūiym syilyqaqyǧa ie boldy. Būl – eŋ köp marapattalǧan sala», - dedı ministr.
